Tönyaqkönçığış Äfğanstannıñ Badaxşan vilayätendä bügen 300gä yaqın möselman ruxanie cıyılıp, Qoränne mısqıl itüçelärne cäzağa tarttırır öçen Amerika Quşma Ştatlarına 3 kön birelä, yuqsa – Amerikağa qarşı cihad iğlan iteläçäk, dip belderde. Dini kitapnı mısqıl itügä qarşı çıqqan äfğannar belän polisiä arasındağı bäreleşlärdä kimendä 10 keşe hälak buldı. Pänceşämbe könne AQŞ däwlät sekretare Condoleezza Rice, Qoränne mısqıl itü oçraqları tikşerelä, Amerika dönyadağı barlıq dinnärne xörmät itä, dip beldergän ide.
