Accessibility links

пәнҗешәмбе, 8 декабрь 2016, Казан вакыты 05:07

Qatnaş xalıqlı Zelenaya Roşça awılı mäçete qaramağında eşläp kilüçe mädräsä şäkertläre uqu yılına yomğaq yasadılar


Bu çara mäçettä cirle muzey açuğa da bağışlanğan ide. İmam häm möğallim wazifaların başqaruçı Mäxmüt xäzrät Kadraliev, bäyrämne açıp cibärgändä, başqa xalıqlar arasında yäşäp tä, milli yözebezne saqlap qalu çaraları belän tanıştırdı. Möselman ziratın tazartu, mäçet açu, anıñ qaramağında mädräsä eşli başlawına bıyıl tağın ber adım östälgän: cirle muzey tuplanğan. Awıl xakimiäte başlığı Gennadi Kupsov äytüençä, mondıy çaralar awıl cirendä soñğı arada bik tä qaqşağan äxlaqi xalätne torğızuğa yärdäm itä häm awıl tatarları başqa xalıqlarğa ürnäk bulıp tora, dide. Äytik, tatarlar üz ziratların tazartqaç, xristian ziratında da ömä oyıştırdıq, dide ul.

Muzey, nigezdä tarixıbızğa bağışlanğan. Tatar xalqınıñ şäcäräse sxeması bezneñ turıdan-turı bolğar babalarıbız warisları buluıbıznı kürsätä. Tuplanğan kitaplar da şunı uq dälillilär. Anda tatar xalqınıñ könküreş äyberläre, öy eçe küreneşe, törle yıllarda basılğan Qor'ännär tuplanması häm başqa eksponatlar da küp närsä añlatalar.

Muzeynı açudan soñ, mädräsädä dini belem tuplawçı 16 bala üz uñışları belän tanıştırdılar, möğallimneñ törle sorawlarına cawap birdelär, kümäkläp namaz uqıp kürsättelär. Qunaqlar şäkertlärneñ belemenä yuğarı bäya birdelär, cıyılğan xalıq aldında wäğäzlär tottılar. Şulay uq Mäxmüt xäzrätneñ eşçänlegenä soqlandılar. Mäsälän, şundıy uq qatnaş xalıqlı Oxotniç'ye awılı mäktäbendä ana telen fakul'tativta uqıtuçı Räzidä Cabbarova üz awılında mädräsä genä tügel, namaz uqu yortı da bulmawına poşınuın belderde. Ä Zelenaya Roşçada şundıy ğämäl belän şöğıllänüçe Miñlegöl Abäydullova Mäx-müt xäzrätkä ixtiramın şiğri yullar belän dä citkerde. Häm soñnan üze uqıtqan balalar icatın täqdim itte.

Läkin, Mäxmüt xäzrät äytüençä, aldağı eşlär kübräk häm awırraq. Awılda yäşäwçe tatarların yartısı çaması nıq urıslaşqan häm mondıy çaralarnıñ tämen dä añlamıy, alarnı kiräksenmi dä. Menä şularnı da uyatu – aldı torğan töp burıç.

Soñğı söz - başqa temağa. “Ömet” gäzite redaktorı İsxaq Xälimev “Tatarstan Yaña ğasır” kanalı citäkçelegenä räxmät uqı: kanal programmasın buşlay cibärep toruları öçen. Bu programmanı da bastıra başlağaç, kiosklarda gäzitne satıp alu yaxşırğan ikän. Dimäk, TNV tapşıruların qarawçılar sanı da işäygän, dip uylarğa kiräkter.

“Azatlıq” radiosı, Ayrat İbrahim, Sember.

XS
SM
MD
LG