Accessibility links

шимбә, 3 декабрь 2016, Казан вакыты 14:52

Firdäüs Divätayıva - «Neçkäbil -2005»


Abdulla Aliş uylap tapqan Neçkäbil isemen, şul isemdäge bäyge, tatar kitapların uqımağan keşelär arasında da tanıttı. Xäzer, «Neçkäbil» isemen alır öçen, yözlägän xatın-qız köräşä. Änilär arasında ütkärelä torğan bu çibärlek bäygesenä, bıyıl, 600 xatın-qız ğarizalar birgän. Alardan barı 15 xanım finalğa saylap alınğan. Şuşı 15 keşe arasında, ere şirkät citäkçeläre, däwlät eşendä eşläwçe xanımnar, fänni xezmätkärlär, biüçelär, ğadi änilär, xätta äbilär dä buldı. «Neçkäbil - 2005» bäygeseneñ final öleşendä, 18dän - 47 yäşkä qädär bulğan xatın-qızlar köç sınaştı.

Final öleşendä qatnaşırğa, dip saylap alınğan xatın-qızlar arasında aktrisa häm şähär filarmoniäse direktorı Rauşaniä Yukaçeva, xalıq artistı, däwlät biü ansamble xezmätkäre Liliä Xämetova, biüçe Al’bina Mindubaeva, «Saban tuy» digän konsertlar oyıştıruçı agentlıq citäkçelärneñ berse Darya Möxämmädyärova häm tormışnıñ başqa ölkälärendä uñışqa ireşkän xanımnar buldı. Bäygedä alar, üzlären icadi şäxeslär, yaratqan xatınnar häm nazlı änilär itep kürsätte.

Ütkän yılğı bäygedä, El’vira Sağidullina ciñgän ide. Küplär anı, «Bäxetle» säwdä şirkäte citäkçese Möslimä Latıypovanıñ qızı häm, ütkän yıldan başlap, «Rubin» futbol komandası kapitanı Sergey Xarlamovnıñ tormış iptäşe itep belä.

Bıyıl, iğänäçe yärdäme belän, Qazan buylap bäygedä qatnaşuçı 15 xatın-qıznıñ da fotosurätläre elenep çıqtı. Barısı da, köçle köndäşlär itep kürende. Soñğı mizgelgä qädär, kemneñ «Neçkäbil» isemen aluı turında bilgele tügel ide. İnde yäkşämbe kiçendä, 15 mayda, ciñüçe iseme açıqlandı. Liliä Xämetova «İcadi Neçkäbil», Rauşaniä Yuqaçeva «Ziräk Neçkäbil», ä Firdäüs Divätayıva «Altın Neçkäbil» isemenä layıq buldı. Firdäüs xanım, 2 qız anası, «Mustella» digän kosmetik şirkätne citäkli. Firdäüs Divätaeva, «Azatlıq» radiosı belän tä’sirläre belän uraqlaştı: «Mine bala çaqta, Neçkäbil itep ürtilär ide, (kölä). İnde bäygegä qatnaşırğa teläk tuğaç, şunı iskä töşerdem. Ciñermen, dip uylamağan idem. Finaldağı 15 xatın-qız da ciñügä tigez atlap kilde. Bu ciñüdän soñ, yaña ürlärgä ireşerlek köç sizdem üzemdä.»



Bikä Timerova.

XS
SM
MD
LG