Accessibility links

якшәмбе, 11 декабрь 2016, Казан вакыты 05:08

Timoşenko Ukrainada yağulıq bäyäläre artu öçen Rusiäne ğäyepläde


Ukraina premyer ministrı Yulia Timoşenko ildä yağulıq qıtlığına häm energiä xaqlarınıñ artuına Rusiäneñ astırtın ğämälläre säbäpçe dip belderde. Bügen Timoşenko Rusiä Ukrainadağı saylawlar näticälärenä ber dä şat tügel häm Ukrainağa qıyınlıqlar tudıru öçen bäyälärne 30 protsentqa arttırdı dide. Ul bäyälärne 2 atna eçendä elekke däräcägä qaytaru öçen bu mäs'älä belän şöğellänergä wäğdä birde. Ämma ul nindi çaralar küreläçägen äytmäde. Uzğan ber ayda Ukrainada benzin häm başqa tör yağulıqlarnıñ bäyäse 10 protsentqa kütärelde. Ukraina xökümäte totrıqlılıqnı bäyälärne tuñdıru häm çitkä yağulıq satunı tıyu aşa saqlap qalırğa tırıştı. Ukrainada küpçelek neft' eşkärtü şirkätläre Rusiäneñ neft' şirkätlärenä bäyle. Alar bäyälärne kontrol'dä totu tırışlığına cawap itep qayber yağulıq stansiälärendä benzin satudan baş tarttı.

XS
SM
MD
LG