Accessibility links

шимбә, 3 декабрь 2016, Казан вакыты 09:55

Warşavada Yewropa Şurası sammitı açıldı


Litva prezidentı Valdas Adamkus Belarusta xakimiät almaşmıy torıp tulısınça demokratik häm açıq Yewropa tormışqa aşmıyaçaq dide. Adamkus Warşavada Yewropa Şurası sammitı açılışında çığış yasadı. Belarus Yewropa demokratiäläre arasında sorı cir bulıp qala dide Adamkus. İke könlek bu sammitqa Belarus üz wäkilen cibärmäde. Rusiä tışqı eşlär ministrı Sergey Lavrov Yewropa Şurası töp iğtibarın terrorçılıqqa qarşı köräşkä yünältergä tieş dide häm Rusiä Şura belän terrorçılıqqa qarşı xezmättäşlekne yaxşırtu öçen eşlärgä äzer dip belderde. Ukraina prezidentı Viktor Yuşçenko sammitqa möräcäğät itep Yewropa Berlege illärenä säfär qıluçı Ukraina watandaşları öçen viza tärtiben beterüne soradı. Yuşçenko Ukraina Berlek häm Şwetsariä watandaşları öçen viza tärtiben inde beterde dide.

XS
SM
MD
LG