Accessibility links

җомга, 2 декабрь 2016, Казан вакыты 21:14

Andijanda wäzğiät tınıç, ämma yaqındağı şähärlärdä atışlar bulğan


Üzbäkstan xakimiätläre bügen Andican şähärendä wäzğiät tınıç dip beldersä dä qayber mäğlümät çığanaqlarınıñ xäbärçeläre äytüençä yaqın tirädäge şähärlärdä çualışlar däwam itä. Uzğan comğada ber törkem militsiä üzägenä höcüm itep qorallarnı alıp kitkännän häm törmädän totqınnarnı çığarğannan soñ Üzbäk ğäskärläre Andijanda cıyılğan xalıq törkemenä ut açtı. Atışlar näticäsendä yözlärçä üzbäk kürşe Qırğızstanğa qaça başladı. Azatlıqnıñ Üzbäk redaksiäse xäbärçese Elmurad Yusupaliev: AUDİO: Çik buyındağı Karasu şähärendä çik saqçıları häm militsiä bulmasa da wäzğiät tınıç . Xalıq bik tınıç. talawlar, cimerülär yuq. Kurgatüpä ölkäse gubernatorı äytüençä, bügen barlıq militsionerlar eşlärgä tieş bulsa da beräw dä eşkä kilmägän. Beräw dä şähär uramnarın saqlarğa çıqmağan. Şul uq waqıtta yaqındağı Paxta-abad şähärendä atışlar buluı xäbär itelä.

XS
SM
MD
LG