Accessibility links

пәнҗешәмбе, 8 декабрь 2016, Казан вакыты 11:11

Keçkenä rässamnar kürgäzmäse


Mäskäw mädäni üzägendä räsem studiäsenä yörgän balalarnıñ kürgäzmäse açıldı. Uzğan uqu yılı başınnan biregä 4 yäştän alıp 10 yäşkä qädär balalar räsem sänğätenä uqırğa yörgän ide. Alarnı yıl äylänäsendä yuğarı sänğät uqu yortı uqıtuçısı, rässam Çulpan Sattarova uqıttı. Bu kürgäzmä açılışında Mädäni üzäk mödire Änwär Xösäenov, milli üzäktä 7 kürgäzmä eşläp aldı,, monısı sigezençese häm iñ samimi iñ maturı balalar kürgäzmäse buldı dip, kürgäzmägä eşlären quyğan balalarnıñ da äti-änilärneñ dä küñelen kütärde. Kürgäzmä açılışında çığış yasağan İzostudiä citäkçese, balalarnı berençe märtäbä tösle buyaular belän yazarğa öyrätkän, Çulpan Sattarova, iñ yaqtı iñ zur bülmäne izostudiägä birgännäre öçen mädäni üzäkneñ citäkçelegenä räxmätlären belderde. Şulay uq bu studiäde oyıştıruda matdi yärdäm kürsätkän , mol'bertlar, buyaular alıp birgän “Rässam” icat berlegenä dä zur räxmätlär äytte. Kürgäzmägä “Räysäm” berlege dä bitaraf qalmağan. Anıñ citäkçese tanılğan rässam Eduard Şageev, bez äle üz icadi berlegebezne oyıştırğan waqıtta uq berençe çiratta balalar studiäsen oyıştırunı maqsat itep quyğan idek, dide. Anıñ fikerlären ikençe ber rässam, şuşı könnärdä genä Tatarstanda kürgäzmäse uzğan Mansur Sattarov däwam itep, bu kürgäzmäne iñ dulqınlandırğıç häm iñ näfis kürgäzmä dip atadı. Ä inde yıl buyı ike balasın da şuşı studiägä yörtkän, Rusiäneñ Yevropa öleşe dini idäräsendä fän buyınça kiñäşçe bulıp eşlägän Färit Asadullin: “Bez bik şat. Nixayät mädäni üzäkkä milli tös, dini rux kerä başladı.Bez dä alarnı yärdämebezdän taşlamasqa tırışabız”- dide.

Mädäni üzäktä balalarğa iğtibar zur. Biredä tuğan tel, xalıq cırları. Biyu tügäräkläre dä eşläp kilä. Mädäni üzäkneñ “Şatlıq” fol'klor törkeme kürgäzmägä kilüçelärgä keçkenä konsert ta kürsätte. Şatlıq törkeme Äpipäne cırlıy. Kürgäzmä açılışı bar qanunnarğa kiterep eşlängän ide. Qotlawlar, cılı süzlär tıñlap, konsert qarağannan soñ äti änilär, yaş rässamnar häm tamaşanı qararğa kilüçelär barısı da bergä bäyrämne tämle rizıqlı çäy östäle artında däwam itte.

Näzifä Kärimova, Mäskäw

XS
SM
MD
LG