Ul “Slavyan mädäniäte, traditsiälär üzara bäyläneş” dip atalğan ide. Ğomumän alğanda bu konferensiäne Yuğarı uqu yortlarara yäş filolog tikşerüçelär assotsiatsiäse oyıştırğan. Tatar tele häm tatar ädäbiäten tikşerülär konferensiäneñ isemendä çağılmasa da, konferensiä barışında tatar ğalimnäreneñ fänni eşlärenä dä zur iğtibar birelde. Şulay uq oyıştıru komitetı ägzäläre arasında, Mäskäw pedagogiä universitetı telem beleme kafedrasınnan Landış Latfullina, Qazannıñ pedagogiä universitetı dotsentı Älfiä Ğalimullina da bar ide. Konferensiä ike kön däwam itte. 17 mayda ütkän ber seksiäneñ eşe “Mädäniätlär dialogı rus häm tatar bağlanışları” dip atalğan ide.
Bu sessiädä Qazannan kilgän un ğalim qatnaştı. Şulay uq Mäskäw tatar mädäni üzäge direktorı Änwär Xösäenov ta mädäni üzäkneñ eşe turında çığış yasap, mädäni üzäkneñ tarixına, bügenge könendäge eşçänlegenä aldağı plannarğa tuqtaldı. Mädäni üzäktä yäşlärneñ äxlaq häm ruxi tärbiäse xaqında Zämzämiä Säxäbetdinova xisap tottı. Çığışlarda şulay uq tatar tele üseşendä tatar radiosınıñ ähämiäte digän tema da yaqtırıldı. Qazan ğalimnäre çığışında kübräk rus ädäbiatı belän tatar ädäbiäten häm şiğriätlärne çağıştırıp tikşerügä küp urın birelgän ide. Biredä Mayakovskiy äsärläre belän Xadi Taqtaş äsärlären çağıştırıp tikşerü çığışları da, Rasputinnıñ “Matera belän sawbullaşu” häm Ayaz Ğilayıvnıñ “Comğa kön kiç belän” äsärlären çağıştıruğa bağışlanğan çığışlar da buldı. Ğomumän ,17 may könne Mäskäwneñ pedagogiä universitetında tatar yazuçıları, şağırläre, ğalimnäre iseme yañğıradı. Konferensiädän soñ min pedagogiä fännäre kandidatı, äytep ütelgän konferensiäne oyıştıruçılarnıñ berse bulğan Älfiä Ğalimullinağa berniçä soraw belän möräcäğät ittem. Ul üzeneñ çığışında mäskäw pedagogiä universitetında inde 4ел tatar törkeme belem aluı da bu oçraşuğa etärgeç buldı. Bälki alar alğa taba tatar mädäniäten äydäp baruçılar bulırlar. Çönki xäzer yäşlär telgä mädäniätkä bik iğtibarlı tügel dide. Ul şulay uq, bezneñ bu tatar studentları belän tığız bäyläneşlär yuq ide, xäzer bez alar belän aralaşıp yäşärgä omtılaçaqbız dip belderde.
Näzifä Kärimova “Azatlıq” radiosı , Mäskäw.
