Accessibility links

якшәмбе, 4 декабрь 2016, Казан вакыты 23:33

18 may Qırım tatarlarınıñ mätäm köne


18 mayda Mäskäw qırım tatarları oyışması milläteneñ mätäm könen bilgeläp Lubyanka mäydanındağı reprissiä qorbannarına quyılğan taş yanına cıyıldı. Alar Qırım tatarların illärennän sörgängä 61 yıl waqıt ütügä qaramastan bügenge köngä qadär Uqrainada bu xalıqnıñ statusı açıqlanmağan buluın belderdelär. Bu xaqta Qırımdağı millättäşlärenä teläktäşlek belderep Mäskäw Qırım tatarları oyışması isemennän İrek Kotdusov möräcäğät uqıdı. Ul süzen däwam itep, Qırım tatarların mäclesenä Ukraina xökümätendä konstitutsion status birüne taläp itte.Lubyanqa mäydanına bik küp sanlı bulmasa da Mäskäwdäge Qırım tatarlarınıñ iñ märtäbäle şäxesläre cıyılğan ide. Şulardan akademik Yaqup Bekirovnı, ğömer buyı Korolev citäkçelegendä kosmos sänäğätenä xezmät itkän Rifat Abbasovnı, fännär kandidatı Al'fred Xösäenovnı atarğa bula. 1944 yılnıñ 18 mayında avtomatlar belän qorallanğan soldatlar yoqılarınnan uyatıp, öylärennän quıp çığarğan waqıtta Alfred Xösäenovka barı tuğız yaş bula. Häm ul soñğı un yılda küp törle integülärdän soñ sud aşa ğına , barı uzğan yılnıñ dekaberendä yarlıqaw turında dokument ala alğan. Sörelü xällären isenä töşergän Al'fred ağa küz yäşlären tıya almadı. Ä menä Rifat Appasovnı törmädän barı tik Sergey Korolev qına alıp qalğan. Qırım tatarlarınıñ mädäniäte öçen yanıp yörgän, Qırımda üz yortınnan muzey yasarğa alınğan İbrahim Nizami milläte turında şiğer söyläde.

Şulay itep, bügen Mäskäwdäge Qırım tatarları da xalqına teläktäşlek belderep mätäm könen uzdırdı. Reprissiä qorbannarına quyılğan häykälgä çäçäklär saldı. Monda şulay uq xoquq yaqlawçılar da Watan partiäse citäkçese Möxämmät Minaçev ta çığış yasadı.Çığış yasawçı Qırım tatarları bügenge köndä Mäskäw mäktäplärendä äle haman da qırım tatarların doşman itep kürsätkän däresleklärdän uqıtalar, şuña kürä balalarıbızğa qırın qaraş dip belderdelär. Bu çara öçen röxsät birelmägän bulsa da mäydanğa ber genä militsiä xezmätkäre kilep tä berni soramadı.

Näzifä Kärimova, “Azatlıq” radiosı Mäskäw.

XS
SM
MD
LG