Accessibility links

якшәмбе, 4 декабрь 2016, Казан вакыты 03:01

Fälestin parlamentı saylawlar turında yaña qanunnı xupladı


Ämma Fälestin citäkçese Mäxmüt Abbas anı kire qağır dip kötelä. Abbas häm anıñ Fatah xäräkäte barlıq deputatlarnıñ da partiä isemlekläre aşa saylanuın teli. Yaña qanunda isä parlamentnıñ öçtän ike öleşen okruglardağı ayırım saylawlar aşa cıyu turında süz bara. Associated Press xäbär agentlığı äytüençä, Abbas partiä isemlekläre aşa saylaw Fataxqa östenlek biräçäk dip isäpli. Çönki suğışçan Hamas törkeme Fatahqa köçle köndäş bulıp tora. Deputatlar äytüençä, qanun qabul itüne suzu 17-nçe yülgä bilgelängän parlament saylawların kiçekterügä kiterä ala. Gazada ber Hamas äğzası qatı yaralandı. Anı İzrail' hawa köçläre raketası yaralağan. Aña qädär İzrail' soldatları belän atışta ber fälestin suğışçısınıñ üterelüe turında xäbär itelde.

XS
SM
MD
LG