Accessibility links

Кайнар хәбәр

London häm Almatada Üzbäk xökümätenä protest çaraları ütte


Bügen London belän Almatada üzbäk prezidentı İslam Kärimov xökümätenä häm Ändicandağı xällärgä protest çaraları ütte. Hizbut-Taxrir xäräkäte süzçese İmran Wahit Londondağı Üzbäk ilçelege qarşına törle millättän bulğan yözlärçä keşe cıyıldı dide. Alar Kärimov xakimiäten tänqitläp Könbatış xökümätlären ikeyözlelektä ğäyepläde. AUDİO: Bez barlıq säyäsi totqınnarnıñ azat itelüen, Kärimov xakimiäte zolımlığınıñ beterelüen taläp itäbez. Ämma ilçelektän moña cawap bulmadı. Bu ber dä ğäcäp tügel. Çönki ilçelek köçsez häm xälsez xökümätneñ köçsez häm xälsez diplomatik wäkilçelege genä. Kiçä Britaniä politsiäse ilçelek diwarlarına qan tösendäge buyaw sipkän 37 xizbut taxrir äğzasın totqarladı. Waxit äytüençä alarnıñ barısın da ğäyepläwsez genä azat itkännär. Qazax yäşlär oyışmalarınıñ distälärçä wäkile Almata şähärendä Üzbäk ilçelege qarşında protest çarasına cıyıldı.
XS
SM
MD
LG