Accessibility links

Кайнар хәбәр

Başqortstan tatarları kongressı başqarma komitetına üzgäreşlär planı täqdim itelde


18nçe may Başqortstan tatarları kongressı başqarma komitetı utırışı bulıp ütte. Anı yaña saylanğan räis Ruşan Ğallämov alıp bardı. Ul utırışqa oyışmanıñ eşçänlegen canlandıru buyınça konsepsiä täqdim itte. Anda oyışma öç “kit östendä” bulırğa tieş dielgän. Alar: matdi baza, köçle kadrlar häm eşne yañaça oyıştırudan ğıybarät. Başqarma komitet elek utırğan bülmälärne arendalaw öçen 100 000 sum burıçqa batqan. Ğallämov monı qarayaçaq mäxkämägä aña qädär räis bulğan, bügenge köndä Rusiä däwlät duması deputatı Eduard Xämitovnı da çaqırtırğa täqdim itkän. Şulay itep, Eduard Xämitov wazıyfasında utırğanda eşne totqarlaw ğına tügel, kiläçäkkä awırlıqlar tudırıp , üzenä kürä mina da salıp kitkän. Artaban fiker alışular buldı. Utırışta qatnaşqan Prezident Xakimiäte häm Mädäniät häm milli säyäsät ministrlığı wäkillärenä sorawlar birelde. Ruşan Ğallämov Qazannıñ meñyıllığına , Tübän Novğorodta ütäçäk bötenrusiä tatarları sabantuylarına 60 keşegä çaqıru kilüen ireşterde. Anıñ urınbasarı Ramil Bignov isä, Qazanda bulıp qaytuın , östämä tağı 100 keşegä çaqıru bulaçağın ireşterde. Kön tärtibe buyınça bu isemleklär raslanırğa tieş bulsa da , ul utırışta qaralmadı. Ğallämov oyışmanı finans nığıtu öçen eşquarlarğa ul çaqırularnı 25 000sumğa satıp birergä täqdim itte häm ul xuplaw taptı. Şunda uq berniçä keşe çaqırunı aqçağa alırğa teläk tä belderdelär. Başqortstan yegete ikençe ber yeget belän ber cenesle ğäilä tözede. Ul çığışı belän Oktyäberskiy şähärennän. İsem-şärifläre atalmıy. Yeget ber cenesle ğäilä tözü öçen ikençe yeget belän tanışırğa teläk belderep, tanıştıru xezmätenä möräcägät itä. Ufanıñ “Hit History” ağentlığı internet aşa aña parın tabarğa bulışa. Ul Niderlandta yäşäwçe Djon Fanister. Niderlandta mondıy ğäilälär tözü 1998nçe yıldan qanunlaştırılğan. Başqortstan yegete üzeneñ bäxetenä Niderland qanunnarı yärdämendä ireşte.

Mönir Wafin ,Ufa
XS
SM
MD
LG