Accessibility links

җомга, 9 декабрь 2016, Казан вакыты 03:10

İran atom programmasın yañartu qararı qotılğısız ide di


İrannıñ atom programması turındağı söyläşülärdäge İran törkeme citäkçeläreneñ berse Xösäin Mussavian Tährannıñ atom programmasınıñ qayber öleşlären yañartu turında qarar qotılğısız ide dip belderde. Mussavian İran xätta atom programması mäs'äläse BMO İminlek Şurası qaramağına tapşırılu qurqınıçı astında bulğanda da bu programma belän şöğellänäçäk dide. Mussavian şulay uq İrannıñ Britaniä, Fransiä häm Germaniä tışqı eşlär ministrları belän kiläse atnağa bilgelängän söyläşüläre bulmasqa da mömkin dip äytte. Mussavian ul söyläşülär barı tik aldağı berniçä köndä taraflar kileşü öçen ike yaq ta qabul itärlek nigez taba alğan oçraqta ğına bulır dide. Ämma bügen İran prezidentı Möxämmät Xatami 24-nçe mayğa bilgelänmgän ul söyläşülär planlaştırılğança ütäçäk dide. Xatami İran ike yaq öçen dä uñay bulğan çişeleş ezläwne däwam itä, ämma Yewropalı duslarıbıznıñ bernindi säyäsi basımına da birelmiäçäk dip äytte.

XS
SM
MD
LG