Accessibility links

Кайнар хәбәр

“Tatarstan dulqınında” bäygesendä kübräk urıs tapşıruları ciñde


“Tatarstan dulqınında” cirle tele-radiokompaniäläreneñ VIII festivalendä respublikanıñ 21 televizion häm 10 radiokompaniäse qatnaştı. Aqtanış, Aznaqay, Älmät, Bawlı, Saba, Bögelmä, Leninogorsk, Çallı, Möslim, Nurlat, Çirmeşän häm başqa rayon-şähärlär tele-radiokompaniäläre “Tatarstan dulqınında” bäygesenä 150dän artıq eş täqdim itkännär ide. 15 keşedän torğan jyuri alar arasınnan ber ciñüçe häm berniçä diplomantnı bilgeläde.

Bäygedä tatar häm rus tellärendä iñ yaxşı televizion häm radio tapşırular alıp baruçı, iñ yaxşı mäğlümatı tapşıru, mädäniät häm sänğät turında iñ yaxşı tapşıru, televizion proyekt, sotsial'' häm reklama roligı; iñ yaxşı di-djey, iñ yaxşı operator, rejisser, "Böyek Ciñü" häm "Yubileylı Qazan" digän nominatsiäläre bar ide. Monnan tış televidenie öçen jyuri berniçä maxsus nominatsiä dä kertkän bulıp çıqtı. Ul yäşlär, balalar tapşırularına qağılışlı ide.

Ciñüçelärne qotlaw barışında küp kenä nominatsiälärdä Bögelmä, tele-radiokompaniäse ciñep çığuı bilgele buldı. Bögelmäneñ “MTV 51” tele-radiokompaniäseneñ tatar telendä “İzhar” mäğlümatı tapşıruı, mädäniät häm sänğät nominatsiäsendä “Qaytawaz” tapşıruın jyuri uñışlısı dip tapqan. “Tatar telendä iñ yaxşı televizion tapşırular alıp baruçı”sı da Bögelmädän Alsu Mökatdäsova buldı.

Bezneñ tapşırular 15 minut bara, ämma bezdä tatarça söyläwçe keşelär tabuı awır interv''yu öçen.

“Böyek Ciñü”, “Yubileylı Qazan” häm “İñ yaxşı proyektlar, roliklar” nominatsiälärendä barı urıs tapşıruları ğına ciñep çıqtı. “Yubileylı Qazan” nominatsiäsendä Aqtanışnıñ “Qılıçtan ütkän miras” häm “Saba dulqınnarı” tele-radiokompaniäseneñ “Qazan 1000 yıllıqta” tatar tapşıruları barı diplomant isemenä genä layıq buldılar.

Bäygedä küp tatar tapşıruların täqdim itkän “Saba dulqınnarı” tele-radiokompaniäseneñ radio tapşıruları könenä 12 säğät yañğırıy, ä televidenie tapşıruları atnasına 2 säğät bara ikän. Älege tele-radiokompaniä belän ber ay elek kenä Kamil Xisamiev citäkçelek itä başlağan. Berniçä yıl elek kenä ul universitetnıñ jurnalistika bülegen tämamlağan ide. Festival'' turında ul “Azatlıq” radiosına

Min festival''dä küp yañalıq beldem, bu sıyfatlı mäğlümat citkerügä yärdäm itäçäk.

Festival''dä ciñüçelärne “Tatarstan Yaña Ğasır” tele-radiokompaniäse, “Tatmedia” agentlığı citäkçeläre qotladı häm alarğa awırlığı 3 kilo bulğan “cilkänle köymä” sını tapşırıldı.

Landış Xarrasova

XS
SM
MD
LG