Accessibility links

пәнҗешәмбе, 8 декабрь 2016, Казан вакыты 17:29

Citdi investorlar kemnär alar?


Comğa könne Başqortstannıñ qayber räsmi gäzitläre, şul isäptän Mäskäwneñ «Komsomol'skaya pravda» gäziteneñ Başqortstan quşımtası barısı därräw räweştä Arkadiy Gaydamaq digän bik bay eşquar belän äñgämälären bastırıp çığardı. Mäskäwdä tuıp üskän Gaydamaq äfände 1972 yıldan Fransiä, ä küpmeder waqıttan soñ Anğola Respublikası watandaşlığın alğan. Çit ildä yäşäsä dä, Rusiädä üzeneñ kiñ çeltärle biznesı bar anıñ. Aşlama citeşterüçe zawodlar da, banklar da, başqa törle şirkätlär dä bik küp anıñ qaramağında. Arkadiy Gaydamaq üzeneñ Başqortstandağı biznesınıñ çäçäk atuı xaqında da bik zur qänägätlänü belän söyli. Prezident Mortaza Räximov belän bik yaxşı añlaşıp eşlibez, yaqın duslar bez anıñ belän dip belderä, Gaydamaq äfände. Mäğlümat öçen şunısın da äytik, berniçä yıl elek Amerikä Quşma Ştatları xoquq saqlaw oyışmaları Arkadiy Gaydamaqnı qoral belän qanunsız säwdä itüdä mönäsäbäte buluda däğwalar beldergän ide. Ul tarixnı küplär xäterlider äle. Menä soñğı waqıtta Arkadiy Gaydamaqnı Başqortstanda da üz ittelär häm anı räsmi matbuğat aşa «respublikağa citdi inwestor kilde» dip reklamalıy başladılar.

XS
SM
MD
LG