Accessibility links

җомга, 9 декабрь 2016, Казан вакыты 20:37

Üzbäkstan:Kärimov xalıqara tikşerüne kire qağa


Prezident İ.Kärimov ütkän atnada Ändicanda xärbilärneñ köç qullanu waqıyğäsen xalıqara bäysez törkem tarafınnan tikşerügä qarşı buluın beldergän.BMOkeşe Xoquqları öçen yuğarı komissarı äytüenä qarağanda, Kärimov atnakiçtä general sekretar K.Annanğa älege waqıtta tikşerü ütkärü kileşle tügel digän.Ämma Yevropa Kärimovnı qararın yañadan uylarğa çaqıra

BMO belderüenä qarağanda, Ändicanda xärbilärneñ protest belderüçelärne qanlı räweştä bastıruınnan soñ ber atna ütkäç İ.Kärimov K.Annanğa şaltıratıp andağı xällär turında säylägän. BMO süzçese Fred Eckhard jurnalistlarğa telefon säyläşüe ozın häm konstruktiv ide dip äytkän ämma söyläşülärneñ detallärenä tuqtalmıyça Annan Üzbäkstandağı xällär turında AQŞ däwlät sekretarı C.Rice belän dä söyläşte digän. Ämma BMO Keşe Xoquqları Komissarı Louise Arbour mätbuğatqa Kärimov Annanğa Ändicanda wazğiät kontrol astında häm ütkän atnadağı waqıyğälärne xalıqara törkemneñ tikşerü kiräge yuq dip äytte digän.Comğa könne Üzbäkstan prezidentı Kärimov K.Annan belän sonğı qan qoyunı tikşerü turında söyläşüen kire qaqqan häm bu könbatış mätbuğatınıñ başqa ber uydırması digän. Ömme keşe xoquqları komissarınıñ süzçese Jose Luiz Dias Azatlıqqa bolay dide

Diaz(audio)

General sekretar K.Annan belän Üzbäk prezidentı Kärimov arasında kiçä telefon söyläşüe buldı häm anda üzbäk xakimiätläre älege waqıtta andıy tikşerüne xuplamıyaçaqları äytelde.

Comğa könne Yevropa Berlege Kärimovnı üz pozitsiäsen yañadan uylarğa häm bäysez tikşerügä röxsät itärgä çaqırdı. Yevropa Berlegeneñ tışqı mäsälälär wäkile Javier Solananıñ süzçese Cristina Gallach düşämbedä berlekneñ 25 tışqı eşlär ministırı cıyılıp Üzbäkstannı ütkän atnadağı waqıyğälärne tizlektä tikeşerergä çaqıraçaq dide Diaz ber mäsälä açıq tügel, Kärimovnıñ xalıqara tikşerüçelärgä Ändicanğa kilergä röxsät itmäwe qatğıy qararmı ällä waqıt otu öçen manevr ğına mı moñı belmibez, Bez bäysez häm ütäkürenmäle tikşerü protsesına anı künderep bulır, Ändicandağı waqıyğälär şartlar açıqlanır dip ömed itäbez .Minemçä närsä buluın belü üzbäk xalqı häm xalıqara cämäğätçelekneñ mänfäğätenä turı kilä dip söyläde Dias

Komissar Arbour üzbäk xakimiätläre ayausız köç qullandı digän xabärlärgä borçıluın belderep könçığış Üzbäkstandağı waqıyğälär bäysez törkem tarafınnan tikşerelergä tieş dip çaqıruçı könbatış illäre safına basqan ide .Üzbäk xakimiätläre diplomat häm jurnalistlarnı Ändicanğa alıp kilsä dä alarğa şähärdä irekle räweştä , xalıq belän elemtägä kerü mömkinçelege birmäde . Alar xätta qan tügelgän Çolpon uramına da alıp barılmadı. Dias vizit faydalı bulsa da citärle tügel ide dip äytte.

Dias(audio)

Min bu vizitnı bäysez xalıqara tikşerü , faktlar ezläw protsesı belän tiñläp bula dip uylamim.Anda närsä buluın añlaw öçen sistematik häm professional sorau alu ütkärergä kiräk.

üzbäk xakimiätläre ütkän atnada häläk buluçılar sanı 169 alarnıñ 32 xärbi ide dip belderde. Opozitsiä häm xoquq yaqlaw törkemnäre 750 belän meñ arasında sivil keşe ülde dip äytä.Venada urnaşqan Keşe Xoquqları öçen Helsinki Federatsiäse häm Üzbäkstan keşe Xoquqları oyışmasınıñ atnakiçtä iğlan itelgän urtaq belderüendä Ändican häm Paxtaobodta meñnnän artıq qoralsız keşe şulsanda yaralılar atıp üterelde dielä .İke oyışma üzbäk xökümäteneñ başkütärü barğanda informatsiä blokadası quyuı häm qan qoyudan soñ keşelärne başbaştaqlarça qulğa aluın xökem itte .Dias könçığış Üzbäkstanda ütkän atnada bulğan waqığälär turında qapma qarşılıqlı xabärlär buluı säbäple anda bäysez , ütä kürenmäle häm ışanıçlı tikşerü ütkärü zarur dip söyläde färidä xämit
XS
SM
MD
LG