Accessibility links

дүшәмбе, 5 декабрь 2016, Казан вакыты 05:33

Qarasuda 300 keşe protest demonstratsiäsenä cıyıldı


Üzbäkstannıñ çik buyındağı Qarasu şähärendä xakimiät binası qarşında 300-läp keşe protest demonstratsiäse ütkärde. Alar protest belderüçelärneñ bu atnada totqarlanğan qayber citäkçelären irekkä çığarunı taläp itte. Protest çaralarında qatnaşqan Bäxtiär Räximov häm tağın berniçä keşe kiçä totqarlanğan ide. Qarasuda protest çaraları uzğan atnada yaqındağı Ändican şähärenä üzbäk xärbiläre belän demonstratsiäçelär arasındağı bäreleşlärdän soñ başlandı. Bügen Yewropa Berlege Üzbäk prezidentı İslam Kärimovqa möräcäğät itep Ändicandağı xällärne xalıqara däräcädä tikşerergä röxsät birergä çaqırdı. Kiçä Kärimov BMO general' sekretare Kofi Annanğa bäysez tikşerü ütkärü zarurlığı yuq, häm töbäktä wäzğiät kontrol'gä alındı dide. Üzbäk xökümäte Ändican waqıyğalarında 169 keşe hälak buldı disä, xalıqara xoquq yaqlaw oyışmaları häm Üzbäk oppozitsion törkemnäre qorbannar sanı ber meñgä citärgä mömkin dip isäpli.

XS
SM
MD
LG