Accessibility links

якшәмбе, 4 декабрь 2016, Казан вакыты 00:49

Yordaniädä 3 könlek Dönya İqtisasıy Forumı açıldı


Üle diñgez yarı buyında, Yordaniäneñ Şuneh şähärendä Dönya İqtisasıy Forumı açıldı. Forumnı açqan Yordaniä patşası Abdulla anda 45 ildän cıyılğan 1200-läp säyäsi, käsepçelek häm sivil cämğiätlär citäkçeläre aldında çığış yasap töbäktäge hawada uñay üzgäreşlär bar dide. Abdulla moñarçı berqayçan da tärräqiät öçen yaxşıraq mömkinlek bulmadı dide häm Fälestin-İzrail'' nizağına ğädel häm daimi çişeleş tabarğa çaqırdı. Ğäräp ligası general'' sekretare Amr Mussa pissimistik ruxtağı çığış yasadı nizağnı çişü öçen konkret adımnar zarur dide. Öç kön däwam itäçäk bu söyläşüdä Ğiraq, Livan häm Liviädäge wäzğiätlär turında, şulay uq töbäktä terrorçılıq säbäpläre turında süz bulaçaq. Forumda qatnaşuçılar arasında Ğiraq tışqı eşlär ministrı Xöşyär Zebari, Äfğänstan tışqı eşlär ministrı Abdulla Abdulla, fälestin premyer ministrı Äxmät Qurai, İzrial'' premyer ministrı urınbasarları Ehüd Olmert belän Şimon Peres, BMO nıñ maxsus wäkile Laxdar Brahimi häm AQŞ prezidentı George Bushnıñ cämäğäte Laura da bar.

XS
SM
MD
LG