Accessibility links

Кайнар хәбәр

BMO xisabında Kosovoda zur tärräqiät bar dielä


Kosovodağı BMO idaräse başlığı Soren Jessen-Petersen BMO İminlek Şurasına äzerlägän xisabında Kosovo iminlek häm demokratiä yünäleşendä zur tärräqiät kiçerde häm bu bäxäsle töbäkneñ täğäyen statusı turında söyläşülärgä yul aça di. Kosonı BMO isemennän idarä itüçe Jessen-Petersen älege xisapnı 27-nçe mayda iğlan itärgä tieş. Ämma xisap turında sarqıp çıqqan mäğlümätlärne bügen Reuters xäbär agentlığı tarattı. Xisaptan añlaşılğança, räsmi räweştä Serbiä qaramağındağı, küpçelegen albannar täşkil itkän, bäysezlekkä omtıluçı Kosovo täğäyen status turında söyläşülär başlarğa zarur bulğın tärräqiätkä iä. Belgrad Kosovonıñ bäysezlegenä kiterergä mömkin bu söyläşülärne kiçekterergä tırışıp kilde. Ämma Quşma Ştatlar häm Yewropa Berlege alarnı bu közdä başlarğa teli dielä. BMO İminlek Şurası başta Jessen-Petersen xisabı belän tanışırğa tieş.
XS
SM
MD
LG