Accessibility links

Кайнар хәбәр

G.Bush törmädäge ezärlekläwgä nıq xafalana. Analitik: yuğarıdan bilgelängän säyäsät näticäse


New York Times gazetası Äfganstanda Bagram törmäsendä ike äfgannıñ üleme turındağı yäşren armiä qatırğısınıñ üz qulına elägüe turında yaza. AQŞ räsmiläre andıy insidentlar siräk ayrım xällär häm cawaplılar xökemgä tartılaçaq dip belderde. Ämma AQŞ armiäseneñ eleke küzläw ofitserı bu tör insidentlarnıñ qabatlanuı yuğarı däräcädä bilgelängän säyäsät näticäse dip äytä.

Gazetanıñ 2002nçe yılnıñ dikäberendäge ülem waqıyğäläre turında xabär itüe AQŞnıñ Äfganstan, Ğıraq häm Kuba-Guantanamodağı xärbi törmälärendä ezärlekläwlär turında yaña borçılular tudıra.Bush administratsiäse räsmiläre comğa könne AQŞ qaramağındağı törmälärdä totqınnarnıñ ezärleklänüenä çıdamlıq kürsätelmiäçäk dip belderdelär. Aqyort süzçese

Trent Duffy(audio)

Prezident, administratsiä häm xärbilär qayda ğına bulmasın Abu Ghraib yäki Bagramdamı totqınnarnıñ ezärleklänüe turındağı xäbärlärgä nıq borçıldı.

Bu xabär yaxşı niät kürsätü mäqsatında yaqın könçığışta yöregän prezidenetnıñ xäläl cifäte Lauranıñ säfärenä täsir itärme digän sorauğa Duffy mondıy insidentlar bulğalıy, bez yañadan qabatlanmawı öçen çaralar küräbez, cawaplılarnı xökemgä tartabız digän cäwap birde. Comğa könne Äfganstanda AQŞ xärbi süzçese,Washingonda däwlät departamentı süzçese Boucher näk şundıy belderülär yasadı.Prezident Bush, saqlanu ministrı Rumsfeld ütkändä demokratik il öçen köräşkän xärbilär dä suğışta yämsez qılana ala, ämma demokratik ildä xökem protsesı ütkärelä dip söylägän ide.Küptän tügel genä alar Abu Ghraibtağı ezärlekläwlär belän bäyle 3 tübän däräcädäge xärbi östennän ütkärelgän protsessqa işarä itte.Skandalğa qatnaşı bulğan ikese xökem itelde, öçençese üzeneñ ğäyeple buluın tanıdı. Bagram waqıyğäsendä mäxkämä protsesı bulmadı.İke yıl yarımda 7keşe ğäyeplände häm sorau aluçı şeltälände.Bush administratsiäse cäberläwlär AQŞ räsmi säyäsäte tügel ä ayrım şäxeslärneñ ğämälläre dip äytä.Ämma xärbi soraw alu texnikası buyınça ber amerikan belgeçe bu qaraşqa qarşı çığa.Küzläw ofitserı bulıp eşlägän pensiädäge polkovnik Kenneth Allard här 3 törmädäge ezärleklekläwlär soraw aluçılarnıñ räsmi politikağa kileşle xäräkät itüen kürsätä di.Allard(audio)Nindi säyäsät, anı kem raslağan dip sorıy bu eşne alıp baruçılar keşe xoquqları ,kileşülärgä kileşle eşlärgä, şulayuq sorau aluçılar bu eşne añlarğa tieş dip söyli. Armiädä sorau alu texnikasın öyrätkän Allard süzlärençä, totqınnarnıñ xezmätteşlek itüe öçen alarğa törmädä yaxşı möğämälä kürsätü kiräk, ezärlekläw tiskäre näticä genä birmi ä ul suğış cinayäte.Allard amerikan säyäsäte bügen terrorğa qarşı suğışta doşmannıñ bäğersezlegen qabatlıy dip borçıla. Ul bu tör suğışta in möhim närsä doşmanğa oşamau äçen tırışu, yuq isä sin anda bulu säbäben tämam onıtaçaqsın dip söyli färidä xämit
XS
SM
MD
LG