Accessibility links

Yewrovisionda My Number One cırı belän gretsiäle Helena Paparizou ciñep çıqtı


Uzğan töndä tarixta 50-nçe märtäbä ütkärelgän yıllıq Yewrovision cır bäygesendä Gretsiä ciñep çıqtı. 24 cırçı arasında Helena Paparizu My Numbver One cırı belän iñ küp tawış cıydı. Bu Paparizunıñ Ewrovisionda berençe märtäbä genä qataşuı tügel. 2001-nçe yılğı bäygedä ul öçençe urınnı alğan ide. Ämma bu yulı ul ciñel genä berençelekkä çığa aldı. 39 ildäge tamaşaçılarnıñ telefon aşa tawış birülärendä ul 230 ball cıyıp Angel cırı belän ikençe urınnı yawlağan Mal''talı Chiaranı da üzennän şaqtıy artta qaldırdı. Rumıniäle Luminita Angel häm anıñ Sistem törkeme Let Me Try cırı belän öçençe urınğa çıqtı. Ciñü bülägen Ukraina prezidentı Viktor Yuşçenko tapşırdı. Ul Paparizu şulay uq östämä büläk, altın abağa birde. AUDİO: Altın Abağa Yewropanı berläşterü öçen Yewropanıñ iñ yaxşı cırına Ukrainanıñ büläge. Ukraina bıyıl üzendä ütkärn Yewrovision bäygese bıtlırğı Äflüsun inqıylabınnan soñ ilne tanıtırğa yardäm itär dip ömetlänep kilde. Paparizu My Number One cırın yazuçılarğa räxmät äytte häm ciñüne qabul itü çığışında bıltır bu bäygedä berençe urınnı alğan ukrain cırçısı Ruslanağa da telgä aldı. AUDİO: Min 2004-nçe yılda Ruslananıñ ciñüenä bik şatmın. Häm minemçä ul başqa illärne dä traditsionraq cırlar yazarğa ruxlandırdı. Grek cır yazuçıları Christos Dantis häm Natalia Cermanou, minem fikeremçä bik tä zamança itep ğap-ğadi grek traditsion cırın yazdılar.

Yewrovision bäygesen 120 millionlap keşe qarağan dielä. Kievta bıtlır äflisun inqıylabı bulğan Bäysezlek mäydanına meñnärçä keşe cıyıldı. Afinada bäyge turıdan turı tapşırılğan zur ekran qarşında da bik küp keşe cıyıldı häm Paparizunıñ ciñüe iğlan itelgännän soñ grek xalqı bäyräm itärgä kereşte.
XS
SM
MD
LG