Accessibility links

пәнҗешәмбе, 8 декабрь 2016, Казан вакыты 09:07

Üzbäkstan Ändicanda bäysez tikşerü taläplärenä höcüm başladı


Üzbäkstannıñ däwlät kiñküläm mäğlümät çaraları 13-nçe mayda Ändican şähärendä bulğan waqıyğalarnı bäysez tikşerü öçen arta barğan xalıqara basımğa qarşı höcüm başladı. Üzbäk oppozitsiäse häm xalıqara xoquq yaqlaw oyışmaları Ändican waqıyğalarında ber meñgä qädär keşe ülgän bulırğa mömkin di. Üzbäk däwlät televideniese Ändicanda yäşäwçe qayber keşelärneñ bäysez tikşerügä qarşı çığışların kürsätte. Şundıy äñgämälärneñ bersendä ölkän yäştäge ber keşe Üzbäkstan üz problemaların üze çişä alırday suveren däwlät dide häm xalıqara tikşerü ütkärügä röxsät birüne çit beräwneñ ber ğailägä kilep andağı balalarnı tärbiälärgä teläk belderüe belän çağıştırdı. İrtägä Yewropa Berlegeneñ tışqı eşlär ministrları oçraşıp Ändican waqıyğalarına tağın ber märtäbä borçılu belderer dip kötelä.

XS
SM
MD
LG