Accessibility links

сишәмбе, 6 декабрь 2016, Казан вакыты 13:21

Ğiraqta totıq bulğan 3 rumın jurnalistı azat itelde


Ğiraqta 2 ay çaması totıq bulğan 3 rumın jurnalistı häm alarnı ozatıp yörgän ğiraqlı amerikan bügen azat itelde. Rumın prezidentı Traian Basescunıñ süzçese totıqlarğa fizik zıyan kilmägän dide. Anıñ äytüençä ul 3 jurnalist xäzer Rumın xakimiätläre qaranağında. Totıq aluçılar ägär dä Rumıniä üzeneñ 800 xärbien Ğiraqtan çığarmasa totıqlarnı üterü belän yanadı. Rumıniä bu taläpkä buysınmadı. Associated Press agentlığı xäbär itüençä, elek Säddam Xösäin xakimiätendä citäkçe Baat partiäseneñ ölkä başlığı bulğan Ğazi Xämmüt äl-Obäydi sälamätlege naçar bulu säbäple törmädän çığarılğan. Ul aş qazanı yaman şeş awıruı belän soñğı däräcädä awırıy dielä. Bügen Ğiraq yustitsiä ministrlığınıñ baş mödire Ali Musa Sälman Bağdad üzägendä üz yortınnan çıqqaç atıp üterelde. Höçüm näticäsendä anıñ maşina yörtüçese dä hälak bulğan häm tağın 3 keşe yaralanğan.

XS
SM
MD
LG