Accessibility links

якшәмбе, 4 декабрь 2016, Казан вакыты 11:14

Tatarstan yäşläre: Nazilä Safiullina. “Şaytan tartması”


Yazmanıñ avtorı “Şaytan tartması” dip, här ğailäneñ öyendä bik tirän häm nıqlı urın alğan zamana texnikası - televizornı atıy.

“Yartı ğömerebez şul “ moğcizalı tartma”ğa töbälep ütä. Barıbıznı da qol itte dä quydı bit, äy!”, - dip başlıy ul mäqäläsen.

Mäqälä avtorı televizornıñ gel uñay yaqları turında ğına da söylämi. Ul televizor qaraw belän mawığudan, xalıqnıñ sälämätlegen yuğaltuı häm tormışta bulğan başqa närsälärdän mäxrüm qaluı turında da fiker yörtä.

Nazilä Safiullina bigräk tä televizornıñ balalarğa zıyanı küp buluına qayğırtuçanlıq belderä. ”Telenänkä” iseme astında birelgän fikerendä: “Bez niçek yäşibez häm televizor küp qarağan öçen balanı ärlärgä kiräkme soñ?» - dip bik küp ğailälärdä tipik tormışnıñ irtä-kiçlären niçek uzdıruların tänqitli.

“Häm xäzer bez asam disälär dä televizorlarıbızdan yäki zamana texnikasınnan baş tarta almıybız. Şunıñ öçen televizornı eç poşqanda tügel, ä üzeñä kiräkle tapşıru qarar öçen genä qabızırğa kiräk”, - di ul. Şulay itep: “Äydägez, televizorğa qarşı köräş açabız. Matur cäy kilde, tabiğätkä çığıp kitik, balalarıbız barın iskä töşerik, ozaq kötkän kitaplarıbıznı aqtarıp çığıyq. Häm “Tatarstan yäşläre” gäziten uqıyq» , - dip täqdim yasıy mäqälä avtorı.

Mälikä Basıyr

XS
SM
MD
LG