Accessibility links

Кайнар хәбәр

İran: Saqçılar Şurası reformaçı namzätkä saylawlarğa qatnaşu mömkinçelege birmi


İrannıñ saylawlarnı qarap barğan konservativ Saqçılar Şurası 17nçe iyündä ütäçäk prezident saylawlarında yarışu öçen terkälgän meñnnän artıq namzätneñ 6sın ğına qaldırğan. Reforma tarafdarı kandidatlarnıñ bersenä genä yarışqa kerü röxsät itelgän. Ämma Reforma blogınıñ töp namzäte yuğarı uqu yortlarnıñ eleke ministrı Mustafa Moin saylawlarğa qatnaştırılmıy.Reformaçılar töp kandidatlarınıñ çitlätelüe legal tügel häm ğädel bulmağan qarar dip belderä häm saylawlarğa boykot iğlan itü belän yanıy.

Saqçılar Şurası prezident saylawlarına 6namzätneñ qatnaşı xoquqı bar dip belderde. Alar arasında ber genä reformaçı namzät bar Mäxdi karrubi . Ul parlamentnıñ eleke speakere.68yäşlek Karrubi urta däräcäle ruxani häm ul ütkän parlament saylawlarında saylana almadı. Saqçılar şurası eleke prezident Aqbar Xaşemi Rafsanjaninıñ da kandidaturasın yaqladı. Pragmatik konservativqa saylanu şansı in yuğarı dip qarala . Şura eleke politsiä başlığı häm İnqilap Saqçılarınıñ eleke citäkçesenä dä saylawlarğa qatnaşu röxsäten birde. Läkin İrannıñ tıyılğan töp reformaçı partiä citäkçese Mostafa Moin häm İrekle Xäräkät Partiäse ( ul da reforma yaqlı partiä bulıp tora) anıñ başlığı İbraxim Yazdi namzätlektän töşerelde . Bu xabär İrannıñ reformaçılarında şok häm açu tudırdı .Moinnıñ töşerelüe puç dip bäyälände. Moin üze bu eş legal da ğädel dä tügel mantıqqa turı kilmi di .İn möhim reformaçı partiä- Moshareket partiäneñ saylawlarğa qatnaşuı öçen Mois töp taläp bulıp tora dip belderde. Älegä qarar qabul itelmägän. Eleke reformaçı deputat Mohsen Armin saylawlar turında qarar atnakiçtä Moinnı yaqlap ütkäreläçäk cıyında bireläçäk dide . Mäşät şährendä reforma yaqlı jurnalist Möxämmäd Sadegh Jawadi Hessar reformaçılar saylawlarnı boykot itmäslär dip qarıy

Jawadi(audio)

ägär dä alar älege pozitsiädä qalsa , alar namzät kürsätmiäçäk häm xalıqnı saylawlarğa küpläp qatnaşırğa çaqırmayaçaq dip äytelde. Ämma ber yk waqıtta alar saylawlarğa boykot iğlan itmiäçäk häm tawış birüeneñ täsire bulaçaq dip uylawçılar saylawlarğa barsın digän pozitsiä alaçaq

6 yurist häm 6 teologtan torğan Saqçılar Şurası saylanmıy , bilgelänä . Alar namzätlärne tikşerä häm alarnıñ dini inanuları häm islamçı tözeleşkä mönäsäbäte turında qarar birä.Reformaçılar ütkändä şuranı säyäsi yaqtan konservativlarğa yaqın tora dip ğäyeplägän ide. İrannıñ eleke vitse-prezidentı Abtaxi namzätlärne çitlätü ilne idarä itü öçen bilgele ber ideologiägä yardäm itü planın kürsätä di. Mustafa Moin İranda stidentlarnıñ aktivlıqları säbäple törmägä yabıluın tänqitlägän keşe. 2003nçe yılda ul Xatami kabinetınnan çigende çänki anıñ İrannıñ mäğarif sistemasın reformalaw proyektı Şura tarafınnan kire qağılğan ide. Moin saylanğan oçraqta keşe xoquqları belän yavızlanunı tuqtatırğa wäğdä itä. Tehran Universitetında säyäsi fännnär profesorı dr Sadeg Zibakalam M.Moin qaraşları säbäple namzät bula almadı di

Zibakalam(audio)

Saqçılar Şurası Moin küp tawış alıp prezident itep saylanır digän qurqu belän anı çitlätmäde , çönki fiker beleşülär Moinnıñ 5% qına tawış alaçağın kürsätä. Ul radikal pozitsiäse säbäple küp tänqitlägän, küp söylägän öçen çitlätelde

Zibakalam Moinnnı çitlätü İrannıñ xalıqara imicine zur zian yasadı di. 2004nçe yılda ütkän parlament saylawlarında Saqçılar Şurası 2meñnnän artıq reforma tarafdarı häm bäysez namzätne saylawlarğa qatnaştırmadı. Saqçlar Şurasınıñ namzätlärgä veto quyu xoquqı islam Respublikası İranda irekle saylawlar ütkärü öçen töp kirtä bulıp tora Parijda urnaşqan Keşe Xoquqları öçen Xalıqara Federatsiäneñ vitse prezidentı Aldulkärim Lahidji İranda prezident saylawları irekle bulmayaçaq dip aldan äytep quydı. Ul saylawlarğa qatnaşu prosentı da tübän bulaçaq dide

färidä xämit
XS
SM
MD
LG