Accessibility links

якшәмбе, 11 декабрь 2016, Казан вакыты 10:56

Äfğanstan prezidentı Washingtonğa kilde


Yevropa Berlegeneñ Tışqı mönäsäbätlär komissarı Benita Ferrero-Waldner sintäber ayında Äfğanstanda ütäçäk parlament häm cirle saylawlarğa Yevropa komissiäse küzätüçelär törkeme cibäräçäk dip iğlan itte:

BFW: " Bez şulay uq Sintäberneñ 18ndä Äfğanstanda ütäçäk parlament häm cirle saylawlarğa küzätüçelär törkeme cibärergä qarar ittek."

Bu belderüen Ferrero-Waldner bügen Brusseldä Yevropa Berlege illäreneñ tışqı eşlär ministrları oçraşuında yasadı.

Ul arada Äfğanstan prezidentı Xämit Qarzai Quşma Ştatlarğa 4 könlek räsmi säfären başladı. Bügen ul Washingtonda amerikan prezidentı George Bush belän oçraşa. Bu oçraşuda Qarzai amerikan xärbiläreneñ Äfğanstandağı xärbi operatsiäse häm totqınnarnı cäberlägän xärbilärgä cäza birü mäsäläsen kütäräçägen äytte. Küptän tügel amerikan xärbiläre Qor'änne mäsxärälägän digän xäbärlär Äfğanstanda berniçä keşeneñ ülemenä kitergän qarşılıq çaralarına säbäp buldı. Şimbä könne George Bush Äfğanstannıñ yaña konstitutsiäsen, prezident häm bulaçaq parlament saylawların 2001 yılda Taliban bärep töşerelgännän soñ iñ zur qazanışlar dip atadı.

XS
SM
MD
LG