Qazannıñ zur yubileyı uñayınnan şähärdä 3nçe tapqır törki xalıqlarınıñ “Näwrüz” xalıqara teatr festivale oyıştırıla. 30 maydan 5 iyüngä qädär baraçaq teatr bäygesendä 14dram teatrı köç sınaşa. Alar arasında M.Fäyzi isemendäge Orenburg teatrı, Başqortstannıñ Mäcit Ğafuri isemendäge häm “Nur” teatrları, Çuwaşiyaneñ Konstantin İvanov isemendäge, Qazannıñ Kärim Tinçurin häm Ğäliäskär Qamal isemendäge teatrları da bar.
23 mayda Qamal akademiä teatrında uzğan matbuğat oçraşuı da älege festival'gä bağışlanğan ide. Oçraşuda qatnaşqan Qamal teatrınıñ direktorı Şamil Zakirov “Näwrüz” festivaleneñ tarixı xaqında täfsilläp söyläde. İñ berençe tapqır 1989 yılda Alma-Atada, ä annarı Bişkäktä uzğan “Näwrüz” festivalendä fäqät Urta Aziä teatrları ğına qatnaşqan bulğan. Ä başqalar, şul isäptä tatar teatrları da älege festival'gä xätta çaqırılmağan da. 1998 yılda inde mädäniät ministrı İl'dus Tarxanov initsiativası belän “Näwrüz” xalıqara teatr festivale berençe tapqır Qazanda ütte.
Festival'neñ daimi qatnaşuçıları qazaxlar, tatarlar, qırğızlar, äzerbäydcännär häm başqalar. Läkin qayber törki xalıqlar “Näwrüz”dä qatnaşa almıy. Säbäbe nigezdä finanslar citeşmäw belän bäyle. Mäsälän, qırım, gabardin-balqar teatrları barı tik açqa qıtlığı arqasında bıyıl kilä almadı. Baqsañ, festival'dä qatnaşu öçen çığımnarnıñ kübesen Tatarstan qaplap torsa da. Ä menä üzbäklär älege festival'dä ğomumän qatnaşmıy. Şamil Zakirov äytüençä, üzbäk teatrlarınıñ festival'dä qatnaşu teläge zur, ämma Üzbäkstan citäkçelege alarnı totqarlap tora.
30 mayğa bilgelängän 8nçe “Näwrüz” festivalen açu tantanasına 12 il häm respublikalardan qunaqlar, mädäniät ministrları citäkçelegendäge delegatsiälär kilüe kötelä. Festival'dä barlığı 17 teatr qatnaşa. Alar arasında Zölfät Xäkimneñ “Telsez küke”, Nazıym Xikmätneñ “Üzen üze üterüçe”, Anton Çexovnıñ “Öç señel”, Mostay Kärimneñ “ozın-ozaq balaçaq” häm başqa isemdäge spektakl'lär bula.
Teatr bäygesendä ciñüçelärgä “İñ şäp spektakl'”, “Rejissernıñ iñ yaxşı eşe”, “İñ şäp xatın-qız role”, “İñ şäp ir-at role” kebek maqtawlı isemnär häm maxsus “Türksoy” premiäse bireläçäk. Türksoy premiäsenä iñ berençe bulıp Qamal teatrınıñ elekke rejisserı, xalıq artistı Marsel Sälimcanov layıq bulğan. Spektakl'lärne saylaw wazifası yöklängän jyuri häm tänqitçelär arasında Mäskäwneñ “Teatral'naya jizn'” jurnalı baş möxärrire Oleg Pivovarov, Tatarstannıñ xalıq artistı Rinat Tacetdin, Ufa däwlät Akademiäse dotsentı Galina Verbitskaya häm başqalar bar. Festival'dä iñ şäp, iñ yaxşı dip tabılğan spektakl'lär, artistlar Almaz Xolding şirkäte tarafınnan yasalğan Xörriät statuetkasına iä bulaçaq.
Al'bina Zäynulla, Qazan.
23 mayda Qamal akademiä teatrında uzğan matbuğat oçraşuı da älege festival'gä bağışlanğan ide. Oçraşuda qatnaşqan Qamal teatrınıñ direktorı Şamil Zakirov “Näwrüz” festivaleneñ tarixı xaqında täfsilläp söyläde. İñ berençe tapqır 1989 yılda Alma-Atada, ä annarı Bişkäktä uzğan “Näwrüz” festivalendä fäqät Urta Aziä teatrları ğına qatnaşqan bulğan. Ä başqalar, şul isäptä tatar teatrları da älege festival'gä xätta çaqırılmağan da. 1998 yılda inde mädäniät ministrı İl'dus Tarxanov initsiativası belän “Näwrüz” xalıqara teatr festivale berençe tapqır Qazanda ütte.
Festival'neñ daimi qatnaşuçıları qazaxlar, tatarlar, qırğızlar, äzerbäydcännär häm başqalar. Läkin qayber törki xalıqlar “Näwrüz”dä qatnaşa almıy. Säbäbe nigezdä finanslar citeşmäw belän bäyle. Mäsälän, qırım, gabardin-balqar teatrları barı tik açqa qıtlığı arqasında bıyıl kilä almadı. Baqsañ, festival'dä qatnaşu öçen çığımnarnıñ kübesen Tatarstan qaplap torsa da. Ä menä üzbäklär älege festival'dä ğomumän qatnaşmıy. Şamil Zakirov äytüençä, üzbäk teatrlarınıñ festival'dä qatnaşu teläge zur, ämma Üzbäkstan citäkçelege alarnı totqarlap tora.
30 mayğa bilgelängän 8nçe “Näwrüz” festivalen açu tantanasına 12 il häm respublikalardan qunaqlar, mädäniät ministrları citäkçelegendäge delegatsiälär kilüe kötelä. Festival'dä barlığı 17 teatr qatnaşa. Alar arasında Zölfät Xäkimneñ “Telsez küke”, Nazıym Xikmätneñ “Üzen üze üterüçe”, Anton Çexovnıñ “Öç señel”, Mostay Kärimneñ “ozın-ozaq balaçaq” häm başqa isemdäge spektakl'lär bula.
Teatr bäygesendä ciñüçelärgä “İñ şäp spektakl'”, “Rejissernıñ iñ yaxşı eşe”, “İñ şäp xatın-qız role”, “İñ şäp ir-at role” kebek maqtawlı isemnär häm maxsus “Türksoy” premiäse bireläçäk. Türksoy premiäsenä iñ berençe bulıp Qamal teatrınıñ elekke rejisserı, xalıq artistı Marsel Sälimcanov layıq bulğan. Spektakl'lärne saylaw wazifası yöklängän jyuri häm tänqitçelär arasında Mäskäwneñ “Teatral'naya jizn'” jurnalı baş möxärrire Oleg Pivovarov, Tatarstannıñ xalıq artistı Rinat Tacetdin, Ufa däwlät Akademiäse dotsentı Galina Verbitskaya häm başqalar bar. Festival'dä iñ şäp, iñ yaxşı dip tabılğan spektakl'lär, artistlar Almaz Xolding şirkäte tarafınnan yasalğan Xörriät statuetkasına iä bulaçaq.
Al'bina Zäynulla, Qazan.
