Accessibility links

дүшәмбе, 5 декабрь 2016, Казан вакыты 19:43

Yenäyätselär Başqortostanğa altın-gäühär inderä


Respublika eske eştär ministrlığı qaramağındağı oyoşqan yenäyätselekkä qarşı köräş idaralığı xeźmätkärźäre Başqortostanğa kontrabanda yulı menän altın häm gäühär indereüźe iѕkärtte. Eske eştär ministrlığınıñ matbuğat xeźmätenän xäbär iteüźärensä, 960-sı bildäle 71 gramlıq altın häm 22 qimmätle taş hatqanda Siläbe watandaşı qulğa alınğan. Uğa 32 yäş. Elegeräk qimmätle taştarźıñ qanunhıź äyläneşe ösön xököm itelgän bulğan. Ul 53 yäşlek atahı menän bergä eşlägän. İkehe lä bernisä ay Öfölä sawźa itkän. Yıl başınan ular 80 gramm altın häm 8 gäühär hatqan. Başqortostanğa qimmätle taştarźıñ qayźan kiltereleüen belergä teläp militsiä xeźmätkärźäre atay häm ul käseben tıyırğa uylamağan. Ämmä älegä bik küp nimä bildäheź bulıp qala tip xäbär itelä. Siläbe watandaştarı Räsäy qunaqxanahında qulğa alınğan. Tentegändä ularźan aldan bildälängän 1 million 500 meñ hum aqsa tartıp alınğan. Şulay uq qimmätle taştar häm metaldarźıñ qanunhıź äyläneşe säbäple ularğa qarata yenäyät eşe quźğatılğan. Yaqınsa mäğlümättär buyınsa yenäyätselärźän tartıp alınğan konyak töѕöndäge almaz Yaqutstandan tabılıp, Yerevandağı ber şirqättä eşkärtelgän bulğan. Ularźı äle belgestär bahalay. Xoquq haqlaw orğandarı wäkildäre fekerensä, ular qimmätle taştarźı kontrabanda yulı menän taşıusı qanalğa sıqqan. Qulğa alınıusılarźıñ isemdäre atalmay. Ular Öföläge ber izolyatorźa totola. Ägär mäxkämä ularźıñ ğäyeben tapha, 10 yılğa tiklem irkenän mäxrüm iteläsäktär. Militsiä mäğlümättärenä qarağanda, Başqortostandıñ başqalahı qimmätle taştar hatıu buyınsa Räsäyźeñ kriminal başqalahına äylänä bara. Bıltır qimmätle taştar menän qanunhıź sawźa itkän ösön Stärletamaq watandaştarı la qulğa alınğaynı. Ularźıñ da kriminal biznesı Ärmänstan menän bäyle bulğan.

XS
SM
MD
LG