Accessibility links

җомга, 9 декабрь 2016, Казан вакыты 22:20

NATO Taşkentnı yäklämälären ütärgä çaqıra


Bügen NATO citäkçeläre küptän tügel Könçığış Üzbäkstanda bulğan xällär uñayınnan "tirän borçılu" belderde. Üzbäkstan räsmiläre äyütençä, andağı çualışlar näticäsendä 169 keşe häläk bulğan. Keşe xoquqların yaqlaw oyışmaları häm oppozitsiädäge partiälär - qorbannar sanı meñgä yaqın dip belderä. NATOnıñ belderüendä, Ändicandağı protest çaraların bastırğanda Üzbäkstannıñ iminlek köçläre çamadan-tış köç qullanğan öçen tänqit belderelä. Üzbäkstan – NATO belän xezmättäşlek programmasında qatnaşa. Alyans citäkçeläre Üzbäk räsmilärenä şul turıda iskärtep, alarnı keşe xoquqların häm töp irekleklärne yaqlawda wazifaların ütärgä çaqıra. Belderüdä äytelgänçä, NATO Üzbäkstan belän mönäsäbätlären centekläp tikşerep baraçaq. Räsmi Taşkent Ändican xällärenä bäysez xalıqara tikşerü ütkärügä qarşı çığa.

XS
SM
MD
LG