Accessibility links

пәнҗешәмбе, 8 декабрь 2016, Казан вакыты 09:07

May ayınıñ ikençe yartısında mädäni tormış qızulanıp kitte


“Almağaçlar çäçäklär ata maynıñ unbişlärendä” dip cırlıy xalıq.

Çınnan da,may ayınıñ ikençe yartısında mädäni tormış qızulanıp kitä.

Şuşı könnärdä regional' tele - radiokompaniälärneñ sigezençe “Tatarstan dulqınında” festivale buldı. Bu atna başında tele- ekrannarda şuşı bäygedä ciñüçelär kürsätelde Bögelmä, Yäşel Üzän, Mamadış, Yar Çallı, Tübän Qama häm başqa şähärlär häm rayonnar xäzer inde onıtılğan provinsiä tügel, ä üzenä kürä tele häm radio üzäkläre bulıp kitkän. Berniçä rayonnı iskä almağanda tele häm radio kütäreleşe barı tik rus telendä genä bara.

Bu atnada Tatarstan kompozitorlar berlege Qazannıñ 1000 yıllığına icadi büläk tapşıra. “Новое передвиженство” dip atalğan bu çarağa qatnaşırğa bilgele şäxeslär dä kilgän. Sovet zamanında iñ tanılğan cırlar avtorı Aleksandra Paxmutova häm anıñ tormış iptäşe, cır tekstların yazğan şağir Nikolay Dobronravov düşämbe könne Säydäş isemendäge zur konsertlar zalında buldılar. Şunda uq Lyudmilla Lyadova, Aleksandr Kolken, Oleg İvanov, 70 yıllar estradası yoldızı Mariä Parxominko çığış yasadılar. “Новое передвиженство” dip atalğan festival' aprel' ayında başlanıp, bügen 24 mayda Yäşel Üzän şähärendä tämamlana. Çärşämbe könne 25 mayda Qazanda “Awrupa – Aziä” dip atalğan 7 inçe zamança xalıqara muzıka festivale başlana. Anda Gollandiädän, Belgiä, Amerikadan, Hindstannan, Finländiä, Mäskäw, Peterburgtan - barlığı 25 kompozitor häm muzıkant qatnaşa.

Tatar icadi oyışmalarınıñ da yañalıqları bar. Ämma bu turıda artıq qıçqırmıyça, tonığraq tawış belän äytälär. Atna axırında, 27 inçe mayda yazuçılar berlegeneñ 15 qorıltayında milli, ädäbiät häm ruxi tormış turında söyläşergä cıyınalar, şunda uq uzğan 3 yılğa yomğaq yasap yaña idärä häm berlekneñ yaña räise saylanaçaq.Çönki ustav buyınça ber räis ike tapqır saylana almıy. Bu yulı räis bulıp moña qädär eşlägän Fuat Ğalimullin urınına kem bulasın çamalawçılar bar.Ämma icadi soyuz delegatlarınnan alda iğlan itü kileşmi dilär. Ni bulsa bulır, millätneñ qiblasın, yazmışın ğına onıtmasınnar.

1 iyündä Piramida tamaşalar zalına Cide yoldız xit-paradı konsertı bula. Qısqası, mädäni tormış qaynıy, waqıtıñ häm aqçañ ğına citsen.

Gölnaz Şäyxetdinova

XS
SM
MD
LG