Accessibility links

Кайнар хәбәр

Respublika tatar cämägätçelek oyışmaları berlege utırışı ütte


Ul zur zallarda , küp keşe qatnaşlığında ütärgä tieş bulsa da, söyläşengän mädäniät sarayın birüdän baş tartqannar bulıp çıqtı. Utırışta berlek räise Ramil Bignov Räximovnı otstawqağa cibärü buyınça cıyılğan qultamğalarğa Mäskäwdän xäbär alınuın belderde. Anda bu turıda Putinğa citkerelüe, Prezidentnıñ respubliktağı xällär turında xäbärdar buluı, mäsälä öyränelüe xäbär itelgän. Utırış tel statusı öçen köräşne däwam itü mäsäläsen dä tikşerep, anıñ buyınça referendum ütkärergä xäl itte. Bu uñaydan konferensiä oyıştırılaçaq. Anda Başqortstan tatarları problemnarı turında citdi söyläşü bulır dip kötelä. Çarağa Rusiäneñ keşe xoquqları belän şöğellänüçeläre dä çaqırılaçaq. Konferensiädä 800gä yaqın keşe qatnaşır dip kötelä. Anı ütkärü öçen bina sorap respublik Prezidentına möräcägät itärgä digän fikergä kilende. Moña qädär dä Prezidenttan bina sorap möräcägät itülär bulsa da , alarnıñ berqayçan da uñay xäl itelgäne bulmadı. Mönir Wafin, Ufa.
XS
SM
MD
LG