Accessibility links

җомга, 9 декабрь 2016, Казан вакыты 20:27

Mäskäw häm anıñ tiräsendä elektr bette


Rusiä başqalası häm Mäskäw tiräsendäge Tula, Kaluga ölkäläre bügen berniçä säğätkä elektrsız qaldı. Mäskäwdä transport yöreşe tuqtalğan. Meñlägän keşe mertoda, liftlarda yabılıp qalğan. Küp kenä xastaxanälär elektr qıtlığı kiçergän. Tula ölkäseneñ Azot qorılmasında elektr betü säbäple bulğan şartlaw näticäsendä, hawağa ağulı matdalär taralğan dielä. Rusiäneñ Energetika ministrı Viktor Xristenko qazanıñ säbäben Çagino elektr-stansiäsendä çıqqan yanğın belän añlattı:

"Çagino stansiäsendä bulğan yanğın häm şartlaw näticäsendä transformator cimerelgän, elektr liniäläre eştän çıqqan."

Rusiä prezidentı Vladimir Putin bu qaza öçen cawaplılıqnı Rusiäneñ Berläşterelgän Energosistemalar citäkçelegenä saldı. Şirkätneñ süzşese äytüençä, uzğan töndä bulğan yanğınnan soñ tözätüçelär tözätü eşlären tämamlıy almağan. Şirkätneñ citäkçese Anatoli Çubays, Mäskäw häm kürşe ölkälär xalqınnan, kilgän awırlıqlar öçen ğafu ütende. Rusiäneñ baş prokuraturası Berläşterelgän Energosistemalar citäkçelege östennän cinayät eşe açqan.

XS
SM
MD
LG