Accessibility links

җомга, 9 декабрь 2016, Казан вакыты 20:28

Jenevada İrannıñ atom programması tikşerelä


Britaniä, Fransiä häm Germaniä tışqı eşlär ministrları bügen Jenevada İran wäkilläre belän bu ilneñ atom programması turında söyläşülär başladı. Bu säyläşülär xälitkeç bulır dip kötelä. Berniçä ay barğan näticäsez säyläşülärdän soñ, Yevropa illäre dä xäzer aqrınlap Quşma Ştatlar qaraşına awışa başlawın belderä. Washington Tährannı atom qoralı yasaw niätendä ğäyepli. Häm bu mäsäläne Berläşkän Millätlärneñ İminlek Şurasında tikşerergä çaqıra. İran üzenä belderelgän bu ğäyepläwlärne kire qağa. Bügen İran prezidentı Möxämmät Xattami bügenge söyläşülär - Yevropa wäkilläre belän bu mäsälädä soñğı oçraşu bulaçaq dide. Söyläşülärdä İrannı wäkillek itkän Xäsän Rowhani, söyläşülär başlanır aldınnan, "yä İranğa urannı bayıtu eşlären öleşçä bulsa da yañartu xoquqı bireläçäk, yä İran söyläşülärdän çığıp kitäçäk" dide.

XS
SM
MD
LG