Çärşämbe kiç “İnterfaks-İdel buyı” agentlığına birgän äñgämäsendä Tatarstan Prezidentı Mintimer Şäymiev respublikada prezident wazıyfası saqlanırğa tieş dip belderde. Bilgele bulğança, şuşı könnärdä Tönyaq Osetiä deputatları üzlärendäge prezident wazifasın “respublika başlığı” dip üzgärtergä qarar qıldılar. Alar Rusiädä ber genä prezident bulırğa tieş dip sanıylar.
Mintimer Şäymiev Tönyaq Osetiä deputatlarınıñ respublika prezidentı wazifasın beterergä täqdim itüe däwlätçelek mäsäläsen çişüdä Tatarstanğa yaraqlı tügel di. Ä Qazan xalqı bu xaqta ni uylıy? Şähär uramnarında uzdırğan soraştıru belän sezne tanıştırıp ütäbez:
Prezident bulırğa tieş. Haman keşe qolı bulmıyq. Putin belän genä eş itep bulmıy. Tatarstan zur respublika. Prezident dip yörtelergä tieş. Üzebezneñ däwlätçelegebez bulsın ide. Başlıq tağın ikençe başlıqqa buysınırğa tieş. Närsäneñ dä başlığı bula ala, ä prezident ber genä. Respublika xäzer üseştä. Anı xalıq saylarğa tieş. Ul qırıydan saylanırğa tieş tügel. Prezidentnıñ wäqälätle zurraq. Şuña prezident bulırğa tieş. Respublika başlığı bulırğa tieş. Başlıq başlıq inde ul. Ä prezident üzenä ber törle mäğnädä. Prezident grajdannar xoquqın yaqlarğa tieş. Statusı prezident bulırğa tieş, ä respublika başlığı.
