Accessibility links

якшәмбе, 11 декабрь 2016, Казан вакыты 07:06

Yevropa şurası keşe xoquqları komissarı Rawil Gaynetdin belän oçraştı


Bügen, 26 mayda, Yevropa şurası keşe xoquqları komissarı Alwaro Xil Robles Rusiäneñ Yevropa öleşe dini idäräse räise, Rusiäneñ möftilär şurası räise Rawil xäzrät Gaynetdin belän oçraştı. Bu oçraşuda şulay uq Çeçnya möftie Äxmät xaci Şamaev ta qatnaştı. Yevropa şurası keşe xoquqları komissarı bügen şulay uq patriarx Aleksey ikençe belän dä oçraşqan, dini idärädäge oçraşudan soñ ul bügen Däwlät dumasında da oçraşular bulaçaq dip belderde. Ä inde irtägä Alwaro Xil Robles Rusiä prezidentı Vladimir Putin belän oçraşaçaq häm añar 140 bittän torğan Rusiädä keşe xoquqlarınıñ torışı digän temağa xisabın tapşıraçaq. Rusiäneñ möftilär şurasındağı oçraşuda Rawil xäzrät Gaynetdin Al'waro Xil' Roblesqa, anıñ Rusiädäge keşe xoquqları turındağı xisabı belän tanışıp çıqqanlığın, häm ul xisaptan iskärmälär “İslam minbäre” gazetasınıñ soñğı sanında basılıp çığuın da äytte. Yevropa şurası keşe xoquqları komissarı üzeneñ Qazanda, İslam universitetında buluın. Häm annan yaxşı tä'sirlär aluın söyläde. Häm ul, bu eşemdä äle min 2006 yılnıñ aprelenä qädär qalaçaqmın. Şuşı waqıt eçendä Rusiädä, başlıça Qazanda keşe xoquqlarına bağışlanğan konferensiä ütkärergä telägem bar dip belderde. Bu seminarda dide ul, Yevropa dini oyışmalarınnan da wäkillär qatnaşaçaq. Häm anda ber allağa tabınuçı biş dini konfessiä wäkilläre bulaçaq dip kötelä dide. Üz çiratında Rawil xäzrät anıñ bu täqdimenä teläktäşlek beldergänen äytte. Söyläşüdä şulay uq Çeçnyadağı xällärgä qağılışlı tema da kütärelde. Al'wara Xil' Robles 1999 yıldan birle min yıl sayın Çeçen respublikasında bulam. Çeçen xalqınıñ yazmışı mine bik nıq borçıy. İrtägä Vladimir Putin belän oçraşqan waqıtta min bu mäsäläne kütäräçäkmen, xäzer anda xällär niçek dip, Çeçnya möftienä dä soraw birde Çeçnya möftie Äxmät xaci Şamaev bügenge köndä dä yäşlär tawlarğa kitä, bügenge xakimiät yäşlärne eş belän tä’min itä almıy. Elekke kebek bügen dä Çeçnyada qorallı keşelär bik küp. Haman da şulay ğailä ägzäläre suğışçılarda dip sanalğannarnı qulğa alu däwam itä. Xattä yökle xatın qızlarnı da totqarlıylar dip belderde. Bu väzgiättä eşläw mömkin tügel, min dä ulımnı yuğalttım häm bu eştän kitärgä uylıym dide Çeçnya möftie Äxmäi xaci Şamaev. Oçraşuda Rusiädä tolerantlıq, dinnär arasında üzara duslıq turında da süz küp buldı. Oçraşu ber säğätkä qädär däwam itte. Min Yevropa şurasınıñ keşe xoquqları komissarına, buğenge köndä Rusiäneñ küp kenä şähärlärendä «Xizbut Taxrir» oyışmasında toruçılar digän gäepläp belän küp kenä möselmannarnı qulğa alalar, sez bu xaqta beläsezme häm närsä äyter idegez dip soradım. Al'wara Xil' Robles. “Min ğomumän nindider dini oyışmağa qarap qına gäepläre bulmağan keşelärne qulğa alunı qanunsızlıq dip sanıym. Häm dingä qarata ekstremistik digän isem tağuğa qarşı. Keşe xoquqların yaqlağan däwlättä andıy xäl bulırğa tieş tügel”, dip cawap birde

Näzifä Kärimova, “Azatlıq” radiosı” Mäskäw.

XS
SM
MD
LG