Accessibility links

якшәмбе, 11 декабрь 2016, Казан вакыты 07:26

DSO İran belän söyläşülär başlarğa riza


Jeneva – Dönya Säwdä Oyışması bügen İran belän äğzalıq turında söyläşülär başlarğa rizalığın birde. İrannıñ Berläşkän Millätlär Oyışmasındağı wäkile Riza Älborzi bu qararğa xuplaw belderde:

Audio "Bu qarar küptännän birle kiçekterelep kilde. Min anı uñay bäyälim. Ul İranğa dönya belän säwdä ölkäsendä xezmättäşlek itüdä yaña mömkinleklär aça."

Tähran Dönya Säwdä Oyışmasına 1996da uq möräcäğät itkän ide. Läkin İrannı atom qoralı yasaw niätendä ğäyeplägän Quşma Ştatlar anıñ oyışmağa kerüenä qarşı çıqtı. Kiçä İran, Yevropa Berlege belän söyläşülärdä, atom ölkäsendä eşçänlegen tuqtatıp torırğa rizalığın birde. Dönya Säwdä Oyışması şunduq İrannı qabul itü eşläre öçen maxsus törkem tözede. Yevropa Komissiäse süzçese Francoise Le Bail, Komissiä bu qararnı xuplıy, ul İrannıñ Säwdä Oyışmasına kerüen 1996 yıldan birle xuplap kilä dide.

XS
SM
MD
LG