Accessibility links

шимбә, 10 декабрь 2016, Казан вакыты 02:23

Ğiraqta Sänäğät ministrlığı räsmie üterelgän


Ğiraq politsiäse belderüençä, bügen Bağdadta Sänäğät ministrlığınıñ yuğarı räsmie Tamır Ğaydan atıp üterelgän. Ğisyançılar aña bazarda çağında ütep baruçı maşinadan atqan.

Ul arada Ğiraqtağı ğisyançılar citäkçese Äbü Musab äl-Zarqawi turında qarşılıqlı xäbärlär kilä. Bügen islamçılarnıñ ber İnternet säxifäsendä, yaralanğan Zarqawinıñ wazifaların waqıtlıça anıñ urınbasarı başqaraçaq digän xäbär dönya kürde. Ämmä soñraq şul uq säxifädä bu xäbär kire qağıldı. Bügen Ğiraqnıñ Eçke eşlär ministrı Bayan Bäker Solax ta anda Zarqawinıñ çınlap ta yaralanğan buluı turında xäbär buluın äytte. Läkin bu xäbärne qaydan alğanın açıqlamadı.

Ul arada Ğiraqta köç qullanular däwam itä. Bügen Bağdadta maşinağa quyılğan bomba şartlaw näticäsendä 3 keşe häläq bulğan, 6sı yaralanğan.

XS
SM
MD
LG