Kahirä -- Bügen Misırda konstitutsiägä üzgäreşlär kertü mäsäläsendä çärşämbedä ütkän referendumnıñ näticäläre iğlan itelde.
Tawış birüdä saylawçılarnıñ 83 protsentı qatnaşqan, şularnıñ 54 protsentı konstitutsiägä üzgäreşlär kertüne xuplağan.
Bu üzgäreşlär ildä küp-namzätle prezident saylawlarına yul açır dip kötelä. Oppozitsiädäge partiälär referendumğa baykot belderergä çaqırdı. Alar fikerençä bu üzgäreşlär bäysez namzätlärne çikli, ä menä prezident Xösni Möbäräk partiäsenä kiresençä, östenlek birä. Referndum näticäläre Sintäberdä ütäçäk prezident saylawlarına qadär ğämälgä quyılır dip kötelä. Tawış birü könendä Kahirädä protetst belderüçelär belän politsiä arasında çualışlar buldı.