Accessibility links

Tatarstan prezidentı Rosselne añlamıy


Sverdlovski gubernatorı Eduard Rosselneñ "Rusiädä ber genä millät qalırğa tieş" digän süzlärenä añlatma birep, Tatarstan prezidentı Miñtimer Şäymiev "min monı küz aldına kiterä almıym" dip belderde. Xäbär itkänebezçä, çärşämbedä Yekaterinburda milli mäsälälärgä bağışlanğan konferensiädä, Rossel, Rusiädä "rossianin" digän ber genä millät bulırğa tieş, töbäklär dä, millätkä qarap tözelergä tieş tügel digän belderü yasağan ide. Bezneñ Peterburdağı xäbärçebezneñ Peterburnıñ tuğan könenä kilgän Miñtimer Şäymievtän Rossel belderüenä qarata mönäsäbäten soradı. Tatarstan prezidentı bolay dide:

"Anı başqa ber keşe äytsä, äle niçekter añlap bulır ide. Rossel üze bit ul alman. Alman keşese şundıy süz söylägäç, min monı añlıy da almıyn, küz aldına da kiterä almıym."

Tatarstan prezidentınıñ Peterbur säfäre turında bezneñ comğa tapşıruında.
XS
SM
MD
LG