Bügen Paqstan başqalasında bulğan şartlaw näticäsendä kimendä 19 keşe häläk bulğan, 65e yaralanğan. Şartlaw möselmannar öçen izge urın sanalğan Bari İmam törbäse yanında bulğan. Anda bügen dini bäyrämgä yözlägän keşe cıyılğan bulğan. Bu urınnan yıraq tügel xökümät binaları urnaşqan. İslamabad politsiäse başlığı Tälğät Mäxmüt Tariq, bu intihar häcümgä oşağan dide. Paqstan prezidentı Pärwäz Möşäräf, şartlaw artında kem torğanı älegä bilgesez, läkin bu dini ekstremistlar eşe bulırğa mömkin dide. Uzğan yıl Paqstanda dini ekstremistlar oyıştırğan höcümnär näticäsendä 100dän artıq keşe häläk buldı.
