Accessibility links

сишәмбе, 6 декабрь 2016, Казан вакыты 11:15

Germaniä Yevropa konstitutsiäsen rasladı


Germaniä parlamentınıñ yuğarı palatası, Bundesrat, bügen Yevropa Berlegeneñ konstitutsiäsen rasladı. Tübän palata, Bundestag, monı ike atna elek eşlägän ide. Şulay itep, Germaniä bu dokumentnı raslağan 9nçı il buldı. Yevropa Berlegeneñ konstitutsiäse ğämälgä kersen öçen anı Berlektäge 25 ilneñ barısı da raslarğa tieş. Bu yäkşämbedä Fransiädä, tağın 3 könnän Hollandada şul mäsälädä referendumnar ütäçäk. Fiker beleşülärgä qarağanda, bu ilneñ ikesendä dä konstitutsiä kire qağılırğa mömkin. Germaniä Tışqı eşlär ministrı Joschka Fischer German parlamentınıñ konstitutsiäne raslawı Fransiä saylawçılarına işarä bulır digän ömet belderde:

"Bügen Germaniä öçen möxim kön, bez konstitutsiäne rasladıq. Bu Fransiä öçen siğnal bulır dip ömetlänäm."

Brüsseldä, Yevropa Komissiäse dä, Germaniäneñ konstitutsiäne raslawı Fransuzlar häm Hollandlar öçen köçle signal bulır digän ömet belderde.

XS
SM
MD
LG