Accessibility links

якшәмбе, 4 декабрь 2016, Казан вакыты 01:04

Gil-Robles Putinğa xisap tapşırdı


"Soñğı 10-15 yılda Rusiä keşe xoquqların yaqlaw ölkäsendä küpmeder täräqqiätkä ireşsä dä, problemnar qala birä." Bu süzlären Rusiä prezidentı Vladimir Putin bügen Yevropa Şurasınıñ Keşe xoquqları komissarı Alvaro Gil-Robles belän oçraşuında äytte. Gil-Robles Putinğa Rusiädä ülem xökemen, militsiäneñ köç qullanuın beterergä, şul isäptän Çeçnädä keşe xoquqların yaqlarğa çaqırğan xisap tapşırdı. Gil-Robles Çeçnädä äle dä keşelär yuğaluğa borçıluın äytte. Çeçnädä sivil keşelärne üterüdä ğäyeplängän Ulman törkemenä aqlaw qararı çığarıluğa rizasızlıq belderde. Yevropa Şurası şulay uq, Mäskäwne törmä şartların yaxşırtırğa, süz ireklegen täemin itergä, bäysez mäxkämä buldırırğa çaqıra. Putin, xisapta äytelgän qayber mäsälälärdä, wazğiätne yaxşırtu öçen çaralar kürergä wäğdä itte.

Kiçä Alvaro Gil-Robles Rusiäneñ Möftilär şurası räise Rawil xäzrät Ğäynetdin belän oçraştı. Bu oçraşu waqıtında ul Rusiädä din ireklege häm tüzemlelekkä bağışlanğan xalıqara konferensiä ütkärü telägen belderde. Älege çaranı şuşı yılnıñ közendä Qazanda ütkärergä kileşende.

XS
SM
MD
LG