Accessibility links

шимбә, 10 декабрь 2016, Казан вакыты 09:53

Fransiä Yevropa Berlege konstitutsiäsen kire qaqtı. Bu Berlek kiläçägenä nindi täsir yasıy ?


Fransiä yäkşämbedä ütkärelgän referendumda Yevropa Berlege konstitutsiäsen kire qaqtı,yuq tawışı birde.Yevropada şok dulqını qaytavazı däwam itä. Ber närsä dä elek bulğan kebek bulmayaçaq, monısı açıq... Yevropa Berlegeneñ könçığışqa taba kiñäyü säyäsäteneñ däwam itüe şik astında . Bigräk tä Törkiäne küzdä totqanda Fransiä referendumı Yevropanı mängelekkä üzgärtkän buluğa oşıy

Yevropa Berlegeneñ oyıştıruçı äğzası, Yevropa integratsiäseneñ bağanası Fransiä kiçägä qädär uylap ta bulmıy torğan adım atladı.Fransuzlarnıñ zur äleşe , üzläreneñ eleke prezidentı Valery Giscard D''estaningnıñ berlekneñ başqa äğzaları belän bik ozaq mäslixätläşülärdän soñ äzerlägän Yevropa Berlegeneñ berençe konstitutsiäsenä yuq dip tawış birde.Niedelandta Xalıqara Mönäsbätlär İnstitutında ölkän analitik Dick Leurdyk Yevropanı oyıştıru turındağı debatlar mängelekkä üzgärde dip äytä

Leurdyk(audio)

Bez äle yaña säyäsi möhittä, Yevropa turındağı söyläşülär ber qayçan da eleke kebek bulmayaçaq.Yevropanıñ berleşü protsesı bu mizgelgä qädär başlıça Yevropa säyäsi elitasınıñ protsesı ide,

Xäzer bu protesessqa uramdağı keşelär qatnaştı şunlıqtan yevropanıñ kiläçäktäge berläşü protsesı başqaraq bulçaq,küpkä demokratraq cillär isäçäk. Çärşämbe könne Niederlandta ikençe referendum ütkärelä. Anda da qarşı tawış bireläçäk dip kötelä.Fransuzlarnıñ konstitutsiägä yuq dip äytüenä törle faktorlar şulsanda konstitutsiä Fransiäneñ sotsial iminlek sistemenä zarar kiterer digän qurqu säbäp buldı.Belgeç Leurdyk fikerençä Yevropa Berlegeneñ bik tizlektä könçığışqa taba kiñäyüe Ukraina, Moldova könbatış Balkan häm Törkiäneñ äğzalıq öçen çiratta toruları fransuzlarnı qurqıttı. Ber dä kötelmägändä berlekkä 10äğza östälep äğza illär sanı 15tän 25kütärelde.Fransiä xalqınıñ küpçelege öçen bu töp faktor ide häm Niederlandtta bu turıda debatlar bara .Brüsseldä Yevropa Säyäsäte Tikşerüläre Üzägendä ölkän analitik Marius Vahl fransuzlar bigräk tä Törkiäneñ kerü mämkinçelegenä borçıldı Bälkim dä Ankara belän äğzalıq söyläşüläre 3.üktäberdä başlatılmas dide Ayruça Germaniädä ğomumi saylawlarnıñ ber yıl irtäräk ütkärelüe häm konservativlarnıñ eş başına kilü ixtimaleneñ bik yuğarı buluın töreklär dä belä.Germaniä konservativları Törkiä äzğalığına qarşı

Vahl(audio)

Sonğı ber ike ayda töreklär nıq kire qaqsa da reforma protesesın alar elek bulğan kebek qızu alıp barmıy

Bu tendensiä däwam itsä , Vahl Yevropa Berlege moñı sıltau itep qullanıp Ankara belän äğzalıq söyläşülären başlaunı kiçekteräçäk di . Franszular mart ayında konstitutsiälärenä üzgäreş kertte . Şulay itep Bolgarstan belän Rumıniä Berlekkä alınğannan soñ här yaña äzğa öçen xalıq fikrenä möräcäğät iteläçäk-referendum ütkäreläçäk. Kiçäge referendumda bu tözätmä bernindi rol uynamadı. Bälkim dä hiç bulmağanda teoriädä Yevropa Berlegenä ber genä dä yaña äğza qabul itelmiäçäk. Bilgele bulğança äğzalıqqa alınaçaq yaña il barlıq illär parlamentları yäki referendumda raslanırğa tieş. Ämma dä läkin Yevropa Berlegendä 50yıl eçendäbik küp tiskäre ağımnar buldı,şunlıqtan älege wazğiätne dä artığı belän dramatikläşterergä kiräkmi.

Leurdyk (audio)

Bu Yevropanıñ berläşü protsesınıñ azağı tügel, bu nindider çağılış tabaçaq, tuqtalıp toraçaq , ämma min ber aradan soñ berleşü protsesı däwam itäçäk dip ışanam.

Vahl da Yevropa Berlege konstitusiä bulmıy torıp ta eşlären alıp bara ala .Konstitutsiä Yevropa integratsiäseneñ nigezen üzgärtmi di. Fransuzlarnıñ yuq dip tawış birüe , Germaniädäge saylawlar ,Yevropa iqtisadınıñ aqrın üsüe, Berlekneñ aqça berämlege yevronıñ bäyäseneñ nıq töşüenä kiterä ala. färidä xämit
XS
SM
MD
LG