Accessibility links

якшәмбе, 4 декабрь 2016, Казан вакыты 06:58

Keşe ni ösön tämäke tarta huñ?


Bögön tämäkegä qarşı xalıqara köräş könö. Mäğlüm bulıuınsa, bıyıl ul Medisina xeđmätkärđäre häm tämäkegä qarşı köräş tigän şiğär astında ütä. Başqortostanda bıl şiğär Qoroltay deputatı Vener Säxäwetdinov hüđđärenä qarağanda bik aktual. Sönki medisina xeđmätkärđäre xäđer yaman ğäđätte üđ itep alğan. Vener Säxäwetdinov täqdime menän bınan bernisä yıl elek respublikala tämäke tartıuğa qarşı köräş turahında qanun qabul itelgäyne. Şaw-şıu menän qabul itelgän qanun nindäyđer mäldä eşlämäy başlanı. Unı şulay yılına ber tapqır 31 mayđa ğına iskä alalar. Qanun tämäke tartıusılar tulqınına qarşı tora almanı. Tämäke tartıu ğümerđe qıđqarta, üpkäne bötörä tigän ışanıslı öndäwđär bulıuğa qaramađtan, yäşe lä, qartı la köyrätä birä.

Marat 5-se sinıfta tämäke menän şayara başlağan. Şayarıuđıñ ğäđätkä äylänep kitkänen hiđmäy đä qaldım ti ul:

(Audio)

Här kemdeñ tierlek tämäke tartıuı Marat kewek ük unıñ menän şayarıuđan başlanğan. Kemder bığa ükenä, kemder ükenmäy:

(Audio)

Tabiptar mäğlümättärenä qarağanda, tap yäşläy tämäke tartqan qıđđarđıñ awırıu bala tabıu ixtimallığı küpkä arta. Bıuından-bıuınğa milli genofondtıñ üđgärew qurqınısı la arta tip iđkärtä ular.

Keşe ni ösön tämäke tarta huñ:

(Soraştıru)

Respublikala bıyıl 3 meñgä yaqın atay-äsä balaları uramda iđerek kileş tämäke tartıp yörögän ösön ştraf tülägän. Ölkändär üđđäre lä yäştärđe nasar ğäđättärgä ılıqtırğan ösön yawaplılıqqa tarttırılğan. 124 eşqıuar balalarğa araqı häm tämäke tarqan ösön ştraf tülägän. Respublikala 7 meñ 800 gä yaqın ata-äsä üđ näselenä qurqınıs tıuđırıusılar bularaq isäpkä alınğan. Başqortostanda äle awır xoloqlo 12 meñ üsmer bala menän 450 inspektor şöğöllänä. İnspektorđarđı balalarđıñ bäläkäyđän ük bođoq yulğa basıuı borsowğa hala. Hawlıq haqlaw ministrlığın ihä demografik mäsälä borsoy. Başqortostanda tıuım kimäle bıuındar almaşınıuın tämin itä almay. Xalıq hanın arttırıu ösön 10 qatın-qıđğa yañı tıuğan 22 bala tura kilergä teyeş. Başqortostanda bıl han 15 kenä. Bıl turala däwlät statistika komitetında xäbär ittelär. Statistar mäğlümättärenä qarağanda, kilähe 5-10 yılda respublikala tıuım artasaq, ämmä huñınan ul 10-11 prosentqa kämeyäsäk.

Rämzit Äbüläev, Öfö

XS
SM
MD
LG