Accessibility links

пәнҗешәмбе, 8 декабрь 2016, Казан вакыты 09:01

"Milli tamırların tanımağan keşe – keşe tügel"


Ölkä tatar avtonomiäse Başqarma komitetınıñ soñğı utırışında ölkä üzäge rayonnarı avtonomiälären buldıru turında qarar qılınğan ide. Berençese Zöyaaryağı rayonında oyıştırıldı. Cıyılışta mäktäplär wäkilläre, milli xäräkät aktivistları häm yarıysı ğına yuğarı citäkçelär qatnaştı. Rayon başlığı Aleksandr Başkarev üzeneñ çığışında “Milli tamırların tanımağan keşe – keşe tügel inde ul”, dip, Avtonomiäneñ maqsatın añlawın belderde. Läkin süzdä genä şulay şul. Annan soñ çığış yasağan Rayon mäğärif idäräse wäkile Lyudmila Şirşova rayonnıñ ber mäktäbendä ayırım tatar sıynıfları buluı, tağın 7 mäktäptä tatar mädäniäte buyınça fakul''tativlar eşläwen yuğarı qazanış dip sanawın äytte häm “sotsial'' zakaz” tulayım qänäğätländerelä, dip belderde.

Uquçılarınıñ 55 protsentı tatar balaları bulğanğa, ayırım tatar sıynıfları tuplağan 55- mäktäp direktorı Vera Mozjuxina täfsilläp uñışları turında söyläde häm “optimizatsiä” taläpläre buyınça, bu ayırım tatar sıynıfların başqalarğa quşarğa turı kiläçägen belderde.

Artaban çığışlar näq şul mäktäptäge moña qadär ölgäşkän uñışlarnı saqlap qalu kiräklege turında buldı. Bu mäktäptä uquçı balalarnıñ ata-anaları näq şul maqsat belän kilgännär dä inde älege cıyılışqa. Alar şähär meriäsenä häm Ölkä Qanunnar çığaru cıyılışına bu sıynıflarnı qotqarıp qaluda yärdäm sorağannar. Vera Mozjuxina Qanunnar çığaru cıyılışı cawabın da bäyän itte.

Baqsañ, Federal'' Qanun buyınça, Mäskäw barı tik ğomum standart belem birüne genä finanslıy. Ä urıs bulmağan tellärne uqıtu, milli mädäniätlär öçen munitsipal'' berämleklär genä cawaplı. Aqça da alardın. Bu oçraqta – ölkä üzägennän. “Läkin anıñ byudjetı bik tä say buluınnan çığıp, Qanunnar çığaru cıyılışı Mäğärif idäräse belän berlektä milli mäktäp häm sıynıflarğa ölkä byudjetı xisabına aqça birü turında qanun äzerlilär”,- dielgän cawapta.

Milli xäräkät aktivistları mondıy niätkä qänäğätlek xise beldersälär dä, Rusiä qanunnarınıñ şundıy qırğilığana iğtibar yunälttelär häm Qanunnar çığaru cıyılışınıñ “bulamı-yuqmı” qanunın kötep tormıyça da mäsäläne xäl itep buluın assızıqladılar. Şuşı 55-mäktäptäge 664 uquçınıñ 352се – tatar balaları. Barlıq paral''lel'' sınıflarda da tatar balaların ayırım sıynıfqa tuplasañ, bernindi östälmä aqça da kiräkmi. Berkem dä “Sineñ balaña yalğan tarix uqıtu kiräkme?” – dip soramıy, ä menä: “Balañnı ana telen dä öyränü öçen ayırım sıynıfqa birsäñ, ul bu östälmä yökne yırıp çığa alırmı?” digäne - direktorlarnıñ iñ yaratqan sorawı. Uqıtuçı veteran Venera xanım Vaxitovanıñ çığış ayıruçı tä''sirle buldı. Annan ber genä özek: “Mädräsä binasında 8-nçe yıl eşli başlağan mäktäpne tarqatıp, balalarnı urıs mäktäplärenä taratu häm bıyılğı 55-mäktäp tiräsendäge ığı-zığılar şunı kürsätä: tatar mäktäbe beraz köç tuplap, tamır cäya başlasa, anıñ tamırına balta çabarğa omtıluçılar şunduq tabıla.”

“Ömet” gäzite redaktorı İsxaq Xälimev täqdime buyınça, rayon avtonomiäse räise itep , rayon başlığınıñ berençe urınbasarı Kotdus Möxämmätşinnı sayladılar. Häm aña yärdämgä 9 keşele sovet tözelde.

“Azatlıq” radiosı, Ayrat İbrahim, Sember.

XS
SM
MD
LG