Accessibility links

шимбә, 3 декабрь 2016, Казан вакыты 07:46

Fransiä premyer ministrı Jean-Pierre Raffarin wazıyfasınnan kitte


Fransiä prezident Jacque Chirac yäkşämbe könne Fransiädä ütkän referendumda Yewropa Berlegeneñ yaña konstitutsiäse kire qağılğannan soñ bügen premyer ministr Jean-Pierre Raffarinnıñ wazıyfasınnan kitü ğarizasın qabul itte. Raffarin bolay dide.

AUDİO: Bügen däwlät başlığı minem häm xökümätemneñ wazıyfabızdan kitüebezne qabul itte. Min monı Yewropa konstitutsiäse referendumınnan bäysez räweştä qarar ittem.

Fransiäneñ iqtisadıy problemaları säbäple soñğı waqıtta ildä Raffarinnıñ däräcäse bik nıq töşte. Chirac yaña premyer itep eçke eşlär ministrı Dominique de Villepinnı bilgeläde. Xäbärçelär äytüençä, 51 yäşlek de Villepin konstitutsiä kire qağılğannan soñ Chirac tarafınnan wäğdä itelgän xökümätkä yaña etärgeç birer digän ömet bar. De Villepin yaña xökümätne irtägä iğlan itär dip kötelä.

XS
SM
MD
LG