Accessibility links

пәнҗешәмбе, 8 декабрь 2016, Казан вакыты 19:18

Xodorkovskiynıñ advokatı appelyatsion mäxkamägä möräcäğät itäçäk


Mäskäw mäxkamäse mäğlüm käsepçe Mixail Xodorkovskiy ğäyeple digän qarar çığarıp anı 9 yıl törmä xäzasına xökem itte. Xodorkovskiynıñ baş advokatı Genrix Padva xäbärçelärgä salımnan qaçu häm xärämläşü ğäyepläwläreneñ ğädellek belän ber bäyläneşe dä yuq dide häm apelyatsion mäxkamägä möräcäğät itäçägen belderde. Yukos neft' şirkäteneñ elekke citäkçese Xodorkovski üzen xökem itü turında Kreml' färman birgän dip belderde. Mäxkamä Xodorkovskiynıñ ber käseptäşe Platon Lebedevnı 9 yıllıq, ikençe käseptäşe Andrey Krainovnı 5 yarım yıllıq törmä cäzasına xökem itte. Baş prokuratura süzçese Natalya Vişnyakova bolay dide. AUDİO: Bez bu qararnı ğädel häm Xodorkovski, Lebedev, Krainov qılğan cinayätlär öçen döres dip isäplibez. Bez bu eşneñ säyäsät belän niçek tä bulsa bäylelegen kisken kire qağabız. Çınnan da zur cinayätlär qılınğanlığı raslandı. Baş prokuratura äytüençä xäzer Xodorkovski belän Lebedevqa aqça yuu turında yaña ğäyepläwlär belderelä.

XS
SM
MD
LG