Ğiraqnıñ könbatışındağı Anbar wilayäteneñ xakimiät başlığı Raca Nawaf Farhan äl-Mähäläwine totıq itep alğan ğisyançılar belän AQŞ köçläre arasındağı bäreleş waqıtında äl-Mähäläwi hälak bulğan.
Xökümät süzçese Lait Kuba äytüençä, äl-Mähäläwineñ mäyete 2 kön elek Rawa şähärendä tabılğan.
Äl-Mähäläwineñ ülemen AQŞ xärbiläre dä rasladı.
Kuba AQŞ citäkçelegendäge bu operatsiä barışında tağın ğiraqlı bulmağan 9 ğäräp suğışçısı üterelde yäki yaralandı dide.
Bügen Baquba şähärendä Ğiraq xärbi tikşerü qapqası yanında bombalı yök maşinı şartlap kimendä 2 ğiraq soldatın ütergän.
Ğiraqta kiçä häm bügen bulğan 2 oçqıç hälakäte näticäsendä 4 italian, 4 amerikan häm ber ğiraq xärbie ülgän.
