Accessibility links

якшәмбе, 11 декабрь 2016, Казан вакыты 13:10

İşetmäwçe balalarnıñ yuğarı belem alu mömkinlege arta


Deklaratsiägä imza quyğan Roçester häm Mäskäw wäkilläre işetmäwçe studentlarğa belem birü buyınça Tatarstannıñ eşe belän soqlandılar. Roçester institutınıñ “PEN International” proyektı citäkçese Djeyms De Karo TİSBİnıñ xezmäten yuğarı bäyäläde häm invalidlarnı uqıtu buyınça küp illärgä ürnäk bulıp torırlıq, dide. Tatarstannıñ “PEN International” proyektı çeltärenä quşıluı respublikadağı işetmäwçe balalarğa yuğarı belem alırğa tağın da zurraq mömkinleklär biräçäk.

TİSBİda işetmäwçe balalarnı inde 5 yıl uqıtıp kilälär. Bıyıl berençe çığarılış. Belem birü distansion räweştä bara. Berniçä yıl elek maxsus programma äzerläp, anı Tatarstan Prezidentına kürsätkännär. Mintimer Şäymiev tarafınnan xuplanıp, programma respublikadağı barlıq invalidlarnı uqıtuğa täqdim itelgän.

2001 yılnı Tatarstannıñ Sotsial' yaqlaw ministrlığı belän älege ölkädä şartnamä tözelä. Häm TİSBİ I – II gruppa invalidlarğa yuğarı belem birä başlıy. Tabiğät tarafınnan räncetelgän balalar öçen maxsus üzäklär oyıştırıla. Respublika buyınça 19 şundıy üzäktä xäzerge köndä 100гә yaqın invalid student belem ala. Alar xoquq, iqtisat, informatika belgeçlege buyınça uqiylar. Utırış barışında Tatarstannıñ Sotsial' yaqlaw ministrı Klavdiä Novikova monıñ öçen küp çığımnar totıluın äytte. Bıyıl invalid balalarğa yuğarı belem birü öçen 800 meñgä yaqın aqça totılğan.

Tatarstannıñ yuğarı kürsätkeçen isäpkä alıp, Rusiäneñ mäğärif häm fän ministrlığı, TİSBİnı invalidlarnı uqıtu buyınça Federal' eksperemental' mäydan bularaq bilgeli. Häm TİSBİ 2004 yılnı “İdel buyı okrugında invalidlarnı uqıtu-metodik üzäge” digän isem ala. TİSBİ proyektı belän çit illärdä dä qızıqsına başlıylar. Amerikanıñ “PEN International» Xalıqara fondı TİSBİ akademiäse texnologiälären tikşerä häm dönyada mondıy uñışlı programmanıñ bulmawın assızıqlıy.

“PEN International» belän imzalanğan xezmättäşlek turındağı Deklaratsiä nigezendä, işetmäwçe balalarğa yuğarı belem birü buyınça xäzer urtaq fänni tikşerenülär uzdırılaçaq, konferensiälär oyıştırılaçaq.

Bügenge köndä işetmäwçe balalarnıñ kübese urta yäisä yuğarı belem alırğa xıyallana. Tatarstan Mäğärif häm fän ministrı Räis Şäyxelislamov alar cämğiätkä fayda kitererlek şäxeslär bulırğa tieşlegen äytä

Alar tulı xoquqlı nalog tüläwçelär bulıp yäşärgä tieşlär. Äti-änilär cilkäsendä yatmasqa. Aalarğa belem alu kiräk.

Landış Xarrasova

XS
SM
MD
LG