Accessibility links

якшәмбе, 4 декабрь 2016, Казан вакыты 09:15

Qandahar mäçetendä cänaza namazı waqıtında intihar höcüme


Äfganstanda sonğı waqıtlarda xökem sörgän çağıştırmaça tınıçlıq çärşämbedä Qandahar mäçetendä intixar bombaçınıñ üzen şartlatuı belän bozıldı. 2 distägä yaqın keşe häläk buldı 5 distädän artıq keşe yaralandı. Cämäğät mäçetkä tanılğan möselman ruxanisı , prezident H.Qarzainı nıq yaqlawçı dip belengän Mawlawi Abdullah Fayyaznı kümü yolasına cıyılğan ide. Äfgan xökümäte häläk buluçılar arasında eçke eşlär ministırlığınıñ Qabul öçen bilgelengän iminlek köçläreneñ yaña citäkçese dä bar dip rasladı

Bügen irtän Qandaharda xalıq yäkşämbe könne atıp üterelgän Mawlawi Fayyaznı kümü yolası öçen mäçettä cıyılğan ide. Azatlıqnıñ Äfgan bülege xabärçese Reştim Qadiri dä anda tapşıru yasau öçen kilgän ide. Bomba mäçetneñ aldağı bülmäsendä şartlatıla .Qadiri şartlawdan soñ şunduq waqıyğä urınında bula.Anıñ süzläre:

Qadiri(audio)

Min mäçetneñ kereşendä, bülmä qan häm mäyet kisäkläre belän tulğan. manzara qotoçqıç

Äfganstan eçke eşlär ministırlığı süzçese Lutfulla Mashal ministırlıqnıñ Kabul öçen bilgelägän iminlek köçläreneñ citäkçese general Äkräm Xakrizwal şäxit buluçları arasında dip belderde. Qandaharda Mmirwais xästäxänäse Direktorı Naseer Axmäd Niazi bezgä 20läp mäyet kiterelde dip äytkän ide irtän. Ämma waqıyğä urınında buluçılar ülüçülär sanı kübräk bälkim dä 50 dip uylıy.Qadiri şaxitlär belän söyläşkän, alar intihar terrorçı general Xakrizwalnı hädäf itep aldı dip äytkännär.

Qadiri(audio)

Şaxitlär äytüenä qarağanda, Qabul iminlek köçläreneñ yaña komandirı Äkräm Xakrizwal tän saqçıları belän Mäçetneñ aldınğı keçe bülmäsenä kergäç tä şartlaw bulğan. İntixar terorçı tän saqçıları kebek kiyengän bulğan, general başmaqların salu öçen iälgäç terrorçı anıñ ayağına yığılıp üzen şartlata .

General Xakrizwal çığışı belän Qandahardan . Sonğı ike yılda ul tönyaqta Mazar-ı Şariftä iminlek köçläre belän citäkläde häm ike ay elek kenä Qabulğa täğäyenlände.Çärşämbedä ul Qandaharğa Abdulla Fayyaznıñ canaza märasimına qatnaşu öçen kilde. Fayyaz Qandahar ğölämä şurası räise ide . Yäkşämbedä anı taliban suğışçısı atıp üterä. Fayyaz prezident Qarzainı nıq yaqlawçı şäxes dip belenä häm ul küptän tügel genä äfgannnarnı Talibannı yaqlamasqa çaqırğan ide.Taliban süzçese buluın äytkän beräw çärşämbedä Qabuldağı xabär agentlıqlarına şaltıratıp , häcüm öçen cawaplılıqnı üz östenä alğan ide. Eçke eşlär minsitırlığı süzçäse

Mashal(audio)

Tikşerülär bara, kemneñ cawaplı ikäne bilgele tügel.Ämma ber närsä açıq,alar İslam häm Äfganstan doşmanı . Berençe märtäbä mäçettä intihar höcüme oyıştırıla, ğıybadätkä kilüçelär üterelä.

Xabärçelär bigräk tä canazä namazı öçen cıyıluçılarnıñ üterelüe ğadi äfgannarnı nıq açulandırdı dip belderä.Şartlawda yaralanğan äfgannnar xabärçebezgä üz isemnären äytergä telämäsä dä alar höcüm Äfganstan doşmannarınıñ eşe dip äytkän. Prezident Qarzai häm anı yaqlawçılar Taliban belän al Qaidanı Äfganstan doşmannarı dip atıylar. Äfganstan yuğarı mäxkämäse äğzası ruxani Mawlawi Qaşaf çärşämbedäge höcüm öçen Qaşaf(audio)

İntihar höcümnäre häm terror höcümnäre keşeçelek yağınnan kire qağıla.İslam da bu ğämällärne kire qağa.Äfganstan iminlegenä qarşı buluçılar andıy eşlär eşli.Alar ildä iminlek, totrıqlılıq urnaşuın telämi.

Prezident Qarzainıñ ike tuğanı Axmäd Wali belän Şax Wali kümü yolasına soña qalğan,şartlaw waqıtında anda bulmağannnar .Höcüm waqıtında mäçettä bulğan eleke mucahid komandirı Qandaharlı Mulla Naqiebulla yaralanğan. Ul Qarzainı yaqlwçı häm elek talibanğa qarşı tönyaq berektäşlegendä suğışqan keşe färidä xämit
XS
SM
MD
LG